Populære bibelvers fra Wlomɛnya 3

Del

'Wayi 'klekle -no 'nyinyonoli, "ne 'wa "ne Lagɔ 'na 'ŋlu -yle. 'Ɔnɛɛ 'nɛnekoylime, Lagɔ "zoa- -lɔ "fu "meŋwinɛlenya, Zezu Kli, -ɔ 'di- 'wanɛɛ 'nyinyonoli 'na 'galu -wɛ "me.

'Nyɔkpɔ 'na -ɔ -kɛ Zezu Kli 'dleku -wɛ, Lagɔ "zoɔ- "menwinɛlenyɔ. "Naa-, Lagɔ "ne 'gbezi 'nyakpa "me.

Lagɔ -sɛ -lɔ Zezu Kli bɔbɔli "ku, -se 'ɔ "kɛ 'nyinyonoli 'na gbo "ku 'titli 'ɔnɛɛ dlu 'na 'siɛ -sluɛ "me. 'Ɔnɛɛ 'kwiɛ "me 'ye Zezu 'pɔ- -lɔ -wa -kɔ 'dleku 'klekle "ne 'wa -no 'nyinyonoli -wɛ 'na nyɛzedle. Soɔ, Lagɔ 'yɔbhɔ -lɔ -gbɔ 'ɔ kɛ 'ɔnɛɛ "meŋwinɛleɛ 'nyakpa 'ylime -tua, bhlɛ "me, -dee 'nyakpa no 'awɔ 'nyinyonoli -wɛ, Lagɔ "noa 'awɔ gbo ylea-, "naa-, 'ɔ 'piɛ 'awɔ 'wanɛɛ za "bhle 'dle. -Mɔ, -zeka, Lagɔ -tua -se 'ɔ "zoa- "meŋwinɛlenya 'ylime, 'ɔyi 'yliku. "Naa-, 'ɔyi, 'ɔ ŋwinɛle- "me, "ne 'ɔ libhi 'nyakpa 'na -wa -kɛ Zezu 'dleku -wɛ "ku "meŋwinɛlenya 'nasɛ.

-Ɛwɛza, Lagɔ 'yliku, -ɔ "kɛ 'ce "me ŋwinɛle- "ne -le, -Lɔ 'na 'kɔkɛleɛ "me. "Naa-, -Lɔ, 'ɛyi, 'nyakpa -ye 'ɛ 'luɔle -lɔ 'dle -gbɔ 'wa -no 'nyinyonoli.

Lagɔbɔgo nɛɛ: 'Nyɔkpɔ -ɔ ŋwinɛle- "me "ne -le "ne 'ɔ "kɛ -bholo -kpee -yle! 'Nyɔkpɔ 'na -ɔ "nɛ- "ne -le "ne -ɔ "nɛ- "ne 'ɔ "kɛ Lagɔ 'siɛ -tɛle "ne -le. 'Wayi 'klekle 'wa 'bha- -gwe -ɛ "nɛne -wɛ "ku, 'wayi 'klekle -vilinya 'waa -lɔ. -Ɔ no -li 'na -li "ne -le, "ne 'ɔ "kɛ -bholo -kpee -yle!

'Diɛɛ, -se -a 'pɔ 'dle ne lɛ: 'Nyakpa "zo "meŋwinɛlenya 'dlekukɛleɛ "me. -Mɔ 'ɛ "ne -Lɔ 'na 'plome -zo za yɛ.

'Bhɔ gou! -Ye -a "kɛ yibhlele- ne lɛ: Lagɔ bhulɛ gbaa, "ne 'nyakpa 'klekle yonya 'waa -lɔ. "Naa-, Lagɔbɔgo nɛɛ: -Neɛ' bhulɛweli "me 'wa "kɛ -lɔ 'sɛ yibhlele- -gbɔ -e ŋwinɛle- "me. 'Wa kɛ -eyi 'gbobhlele ne, -eyi 'ye 'ɛ "kɛ -lɔ kɔ 'namale-.