Lɔbhɔ 'ye Piɛle -no -lɔ nɛɛ: «Ananiaase, sɔɔbɛɛza Sata -plɛ bhɔ soɔ -eyi 'dlezɔ 'a? -E -wlɛle Zuzu Wlewle yo yɔko. Dodo -ye -e 'pɔ- 'pɔlo "ku -wɛ 'na 'dlasi, -e zizi- 'ɛ 'cibhɛ. Zaagbɔ 'te nɛ 'pɔloku 'pɔ. "Ne, -e 'cɛ nɛ 'lelee 'pɔloku 'pɔ-, -e 'bhɛle- nɛ -e "kɛ nɛ 'ɛnɛɛ 'dlasi -wɛ "ku 'libhi, -se -ye -e 'yɔbhɔ -wɛ, -e 'cɛ nɛ no. -See 'ɛwɛ -plɛ bhɔ -eyi 'wlime 'nabhɛ "ne -e 'yi no 'a? 'Nyakpa 'ye -e "ne -kɛ yo yɔko wlɛle-, -mɔ, Lagɔ 'ye -e wlɛle- -kɛ -lɔ yo yɔko.» Ananiaase 'no- lɛ "ɛ weli -wɛ ne, zɔ 'ye 'ɔ -bhli -lɔ, "ne 'ɔ yi -lɔ "ku, "ne 'nyakpa 'klekle 'na -wa 'no- "ɛ -ɛ 'ple- -wɛ, 'wayi 'klekle -nyanɔ "yitɛ yua -lɔ 'lɔbhɔ.