Populære bibelvers fra मेथा 13

Del

हीना सा शाङाला थोरथा साङागो का ङेन्‍दी ॱहाघोरती धेनी ढेबु तेरकीनगो लाक। खोने ढेबु केगीलाक धेनी रीङगाने ग्‍या थाम्‍बा, रीङगाने ढुकच्‍यु धेनी रीङगाने सुमच्‍यु थाम्‍बा झ्‍युङगीलाक।”

याङ छेम्‍मागी खोकला थोरथोवा साङागो, को़न्‍क्षोकगी कागो ङेन्‍दी हीना जीक्‍तेनगी दुङा धाङ ग्‍युनोरगी ॱली़टेगी का देला ॱनेम्‍दी, होदे ढेबु ॱमेक्षाक्‍कीन मी च्‍योक्‍रे लाक।

लाम्‍गाला थोरथोवा साङागो, नाम्‍खे ग्‍यासीगी का ङेन्‍दी ॱहामेघोगीन धाङ धी़क होरी होदेगी सेम नाङदु ताप्‍ता साङागो, होदेने ठोक्‍ती डुगीन च्‍योक्‍रे लाक।

धेनी धोरुकगी साला थोरथोवा साङागो, को़न्‍क्षोकगी काला ङेन्‍दी लाम्‍साङ ङ्यामो घेरी, खेलेन्‍गीन मी च्‍योक्‍रे लाक। हीना राङला चावा तीङ रीङबो मेगीन झ्‍येरी, होदे धी़चो़ तीते च्‍यीक धेगीलाक धेनी कागी दो़न्‍दु दुक्‍ङेल धाङ ॱनेक्‍यो़न झ्‍युङना लाम्‍साङ खो धेपाने लोक्‍कीलाक।

“नाम्‍खे ग्‍यासी दे, श्‍यीङ च्‍यीकला बेरी श्‍याकश्‍या तेर च्‍योक्‍रे लाक। मी च्‍यीकला होदे ॱङेदी, याङ बेरी श्‍याक्‍पालाक धेनी ङ्यामो घेरी सोरी, राङला हो़गीन घीरी चोरी होदे श्‍यीङगो ङ्यो़वालाक।”

हीना साङा रीङगा सा शाङा खाला थोरपालाक धेनी होदेक्‍या केरी ढेबु छाक्‍ती रीङगाने ग्‍या थाम्‍बा, रीङगाने ढुकच्‍यु थाम्‍बा धेनी रीङगाने सुम्‍चु थाम्‍बा ढु झ्‍युवालाक।

तो़न धुगीन थुक्‍पे होदे ॱङीगाराला छारतु च्‍युक धेनी तो़न दुली घाङला ङा ॱङीमा ॱङागीनक्‍याला एन्‍ला युक्‍पुक्‍या पीरी, मेला ॱराक्‍येला कीलीक दोम हीना ढोक्‍या ङी डुखाङदु धी़ ॱनेरी ॱनायेहीन।’”