Populære bibelvers fra Roma 8

Del

Ita hatene katak, ba ita nebee hadomi Maromak, saida mak akontese iha ita nia moris, Maromak uza buat sira nee hotu ba ita nia diak. Maromak bolu ona ita sai Nia ema, tuir Nia planu rasik.

Hau fiar metin katak la iha buat ida mak bele haketak ita hosi Maromak nia domin. Atu mate ka moris, atu anju ka autoridade nebee kaer ukun, atu buat nebee mosu agora ka buat nebee mosu aban-bainrua, atu forsa saida deit, atu buat iha loro leten ka iha rai, atu buat selu-seluk nebee Maromak halo, la iha ida mak bele haketak ita hosi Maromak nia domin nebee Nia hatudu ona mai ita liu hosi ita nia Nai Kristu Jesus.

Nunee mos, Maromak nia Espiritu tulun ita, tanba ita ema fraku. Ita la hatene saida mak ita atu husu ba Maromak liu hosi ita nia orasaun. Maibee Maromak nia Espiritu rasik harohan ba Maromak iha ita nia fatin. Maski ita halerik deit no la hatene saida mak ita atu koalia.

Nunee, ita atu dehan tan saida kona ba buat sira nee? Se Maromak hamutuk ho ita, see mak bele kontra ita?

Ema nebee laran ida ho Kristu Jesus, Maromak la kastigu tan nia ona.

Se o nia hakarak domina o nia hanoin, maka o sei mate tinan ba tinan. Maibee se Maromak nia Espiritu mak domina o nia hanoin, nunee o sei moris i o nia laran sei hakmatek.

Maski ita hetan susar nunee, ita manaan liu dook ona, tanba Kristu hadomi teb-tebes ita.

Hau hanoin terus nebee ita hetan agora la kompara ho naroman nabilan nian nebee Maromak sei hatudu sai mai ita iha aban-bainrua.

See mak bele haketak ita hosi Kristu nia domin? La iha! Bele ita hetan problema ka susar oi-oin, bele ita hetan terus tanba tuir Kristu, bele ita hetan hamlaha ka la iha hena para hatais, bele ita iha situasaun perigu nia laran ka ema atu oho ita ho surik, maibee buat sira nee hotu sei la haketak Kristu nia domin iha ita.

Maromak hatene ita nia fuan-laran, Nia mos hatene Nia Espiritu nia hanoin. Bainhira Espiritu harohan ba Maromak nia povu santu sira, buat nebee Nia husu sempre tuir Maromak nia hakarak.

Tanba ema nebee moris tuir dalan nebee Maromak nia Espiritu hatudu ba nia, ema nee mak Maromak nia oan.

Ema sira nebee moris tuir sira nia hakarak, sira so hanoin buat aat deit. Maibee ema nebee moris tuir Maromak nia Espiritu, sira so hanoin buat nebee Espiritu nia hakarak.

Maromak laran luak teb-tebes, too Nia foo Nia Oan rasik para mate iha ita hotu nia fatin. Hosi nee ita bele hatene katak, Nia sei foo tan mai ita buat hotu-hotu nebee diak.

Espiritu nee rasik hametin ita nia laran katak ita Maromak nia oan. Se ita sai ona Maromak nia oan, nee dehan katak aban-bainrua ita sei simu eransa rikusoin nebee mak Maromak rai hela ba Nia oan sira, hanesan mos Kristu simu. Naran katak ita mos hola parte iha Kristu nia terus, para aban-bainrua Maromak bele foti aas ita hanesan mos Nia foti aas Kristu.

Ita ema nia hakarak sempre sai inimigu ho Maromak, tanba nia la hakruuk ba Maromak nia lei, i nee la bele duni.

Maromak nia kriasaun hotu-hotu hein hela atu haree Maromak hatudu sai see-see loos mak Nia oan duni.

Ita hatene katak hori uluk liu too agora nee, mundu ho buat hotu nebee mak Maromak halo, hotu-hotu halerik hanesan feto ida nebee mak kanotak moras atu tuur ahi.