Populære bibelvers fra Roma 6

Del

Tanba konsekuensia ba ema nebee moris iha sala mak mate. Maibee moris rohan laek, Maromak foo gratis deit ba ema nebee fiar iha Kristu Jesus, ita nia Nai.

Tanba sala la domina ona imi. Agora imi la moris ona iha Moisés nia lei nia okos, maibee Maromak nia grasa mak domina fali imi.

Bainhira ita simu batizmu, ita hanesan mate tiha ona no hakoi hamutuk ho Kristu. Ita tenki mate uluk ho Nia atu ita bele moris foun, hanesan mos Kristu moris fali ona hosi mate liu hosi Aman Maromak nia kbiit boot.

La bele foo imi nia isin lolon para halo sala, hanesan fali buat nebee ema uza hodi halo sala. Maibee foo imi nia aan tomak ba Maromak, hanesan ema nebee uluk mate tiha ona, maibee agora moris. Nunee entrega imi nia isin lolon ba Nia para Nia uza hodi halo buat nebee mak loos.

Ita hatene katak, uluk ita hakarak halo buat aat oi-oin. Maibee agora, bele dehan, ita nia moris ida uluk nee, la iha tiha ona, tanba ita prega tiha ona ita nia moris ba iha krus hamutuk ho Kristu. Nunee ita laos atan ona ba sala

Imi mos tenki konsidera imi nia aan nunee: imi hanesan mate tiha ona ba sala, nee mak sala la domina imi nia aan ona. Nunee, agora imi tenki moris hodi foti aas Maromak, tanba imi laran ida ho Jesus Kristu.

Se nunee, agora ita atu dehan saida? Keta halo be ema ruma hanoin nunee: “Se Maromak hatudu Nia laran diak ba ema nebee mak halo sala, entaun diak liu ita halo sala nafatin atu nunee Maromak hatudu liu tan Nia laran diak mai ita.” Nee la loos! Tanba kona ba sala, ita hanesan mate tiha ona, i ema nebee mate la halo tan sala ona.

Imi hatene katak, se imi foo imi nia aan ba ema seluk hodi halo tuir nia hakarak, nee hanesan imi sai ona atan ba ema nee. Nunee mos se imi foo aan hodi halo sala, imi sai atan ba sala, i too ikus sala nee halo imi mate tinan ba tinan. Se imi foo aan hodi halo tuir Maromak nia hakarak mak sei lori imi ba moris loos.

Hau foo agradese ba Nai Maromak, uluk imi sala nia atan, maibee agora ho laran tomak imi moris tuir ona hanorin loos nebee imi simu tiha ona. Maromak hasai ona imi hosi sala nia laran, i agora imi sai fali atan ba moris loos nian.