Populære bibelvers fra Roma 12

Del

La bele halo tuir ema iha mundu nee nia hahalok. Maibee husik Maromak halo foun imi nia hanoin hodi muda imi nia laran. Nunee imi bele hatene loloos Maromak nia hakarak ba imi. Maromak nia hakarak nee buat nebee diak, loos i halo Nia laran haksolok.

Maun-alin sira, tanba Maromak hatudu ona Nia laran diak mai ita, nunee hau husu ba imi para entrega imi nia aan tomak ba Nia, hanesan sakrífisiu ida nebee sei moris, sakrífisiu ida nebee moos i halo haksolok Maromak nia laran. Ida nee mak dehan imi adora Maromak loloos.

Imi tenki haksolok tanba imi laran metin ba Maromak. Aguenta ho pasiensia iha terus laran. Halo orasaun bebeik.

Entaun keta husik buat aat manaan imi. Maibee halo bebeik buat diak, atu nunee imi bele manaan buat aat.

Hadomi malu hanesan maun-alin. Hatudu uluk respeitu ba malu.

Hatudu imi nia domin loloos ba ema seluk, la bele finji. Odi buat nebee aat, kaer metin buat nebee diak.

Buka dame ho ema hotu.

Maluk doben sira, la bele halo aat ba ema nebee halo aat imi. Husik atu Maromak mak tesi sira nia lia. Tanba iha Livru Sagradu hakerek ona, “Maromak dehan, ‘Hau mak iha direitu atu vinga ema, I Hau mak bele foo kastigu ema nebee halo aat ba imi.’ ”

La bele baruk, maibee foo aan nafatin hodi serbii Nai Jesus ho laran tomak.

Tanba Maromak hatudu Nia grasa mai hau too Nia hili hau sai apostolu, hau hatete ba imi ida-idak: la bele hanoin buat nebee aas liu dukee loloos nian. Diak liu imi hatene kbiit nebee Maromak foo tiha ona ba imi ida-idak tanba imi nia fiar, atu nunee imi bele hatene imi nia aan.

Se ema ruma halo buat aat ba imi, la bele halo aat fali ba ema nee. Hakaas aan hodi halo buat diak ba ema hotu.

Imi tenki moris neon ida, laran ida. La bele foti aan, maibee hamaluk ho ema kiik. La bele konsidera o nia aan dehan, o mesak mak hatene deit.

Maibee imi tenki moris tuir liafuan nebee dehan, “Se o nia inimigu hamlaha, foo hahaan ba nia. Se nia hamrook, foo nia hemu. Se o halo nunee, maka nia sei moe no mos respeitu imi.”

Se iha ema ruma halo terus imi, husu ba Maromak foo bensaun ba sira. Tenki husu bensaun, la bele husu atu Maromak foo malisan. Se iha ema ruma kontenti, kontenti hamutuk ho sira. I se iha ema ruma tanis, tanis hamutuk ho sira.

Uza buat nebee imi iha hodi ajuda Maromak nia ema sira nebee presiza. Simu ema seluk iha imi nia uma ho laran tomak.

Hau foo ezemplu ida hosi ema nia isin lolon. Isin lolon ida iha membru oi-oin, i membru ida-idak nia knaar la hanesan. Nunee mos ita sarani sira. Ita barak, maibee tanba ita laran ida ho Kristu, ita hamutuk hanesan isin lolon ida deit.