Populære bibelvers fra Apostolu sira nia Istoria 5

Del

Entaun Pedro hamriik ho apostolu sira hataan, “Senhor sira, ami tenki tuir mak Nai Maromak nia orden. Se ema haruka ami kontra Nai Maromak nia orden, ami la tuir ema nee.

I loro-loron sira baa hanorin ema dehan, “Ema ida nebee Nai Maromak hili ona nee, mak Jesus.” Sira baa foo sai iha Uma Kreda Boot laran ho mos iha uma ba uma.

Maibee Pedro hatete, “Ananias, nusaa mak o tuir fali Satanás nia hakarak, para o bosok Espiritu Santu?! Nusaa mak osan rai nian nee, o subar tiha balu? Afinal o hakarak faan rai nee, ka lakohi, nee konformi o. Se o faan ona, o atu foo nia osan hotu, ka sorin balu deit, konformi o. Maibee nusaa mak o halo fali nunee? O laos bosok ema, maibee o bosok Nai Maromak!” Rona Pedro koalia nunee, Ananias monu ba rai, i mate kedas iha fatin. I ema nebee rona novidade nee, sira tauk teb-tebes.

Nunee agora, irmaun sira, hau nia hanoin nunee deit: Husik tiha sira nain rua baa. Se sira nia hanorin ho sira nia hahalok hosi ema, mak ema nebee tuir sira sei namkari hanesan Teudas ho Judas nia ema. Maibee se sira nia hanorin nee mai hosi Nai Maromak, mak imi sei la bele taka dalan. Keta halo be imi kontra fali Nai Maromak.” Rona nunee, sira hotu simu.