Populære bibelvers fra लुका 9

Del

येसुजि जम्‍मे जनके कहलसि, “यगर कुनहुँ मोर चेला हखे खोजबह जउँ, उअ यपनहिँके इन्‍कार करिय हसे सबदिन यापन क्रुस बोकके मोर पाछा यइय।

केहकेकि जुने यापन प्रान बचावे खोजतइ उअ सदि जिवन गुमोतइ, बाकि जुने यापन प्रान मोर तहिँया गुमोतइ, उअ सदि जिवन पउतइ।

तब येसुजि वकरेके कहलसि, “जुन मन्‍सावा हरवाक परहेथवा पकडके पाछावरि हेरसइ, उअ परमेस्‍वरक राजक तहिँया लाइक हइने हसइ।”

जब एक जन मन्‍से जम्‍मे संसारके हाथ पारके फेनि यापन प्रानके नास पारबिय जउँ, वकर कथि फाइदा हतइ त?

यगर कुनहुँ मोरसे हसे मोर वचनसे लजेतइ जउँ, मुइ मन्‍सेक पुतर यापन महिमा, परमेस्‍वर पिता हसे पवितर स्‍वरगदुतवानिक महिमा लेके यवइकि वकरसे फेनि लजेबहिँ।

बाकि येसुजि उअ मन्‍सावेके जवाफ देते कहलसि, “हेरहि, गिदरानिक रहेके सोन्‍हर बडइ, चेरइयाक कोथा बडइ, बाकि मुइ मन्‍सेक पुतरक मुडवा राखेके ठउरि फेनि हइने बडइ।”

हुनुकाके कहलसि, “जुने मोर नाउँमा इअ बचवाके गरहन करतइ, उअ मोरके फेनि गरहन करतइ हसे जुने मोरके गरहन करतइ, उअ मोरके पठोलहराके फेनि गरहन करतइ, केहकेकि तोहारमधे जुने सबसे झिनिक बडिय, उहे महान हखबिय।”