Populære bibelvers fra ມັດທາຍ 13

Del

ສ່ວນ​ເມັດພືດ​ທີ່​ຕົກ​ໃສ່​ເທິງ​ດິນ​ດີ​ນັ້ນ​ຄື​ຜູ້​ທີ່​ໄດ້​ຍິນ​ພຣະຄຳ ແລະ ເຂົ້າໃຈ​ພຣະຄຳ ຜູ້​ນັ້ນ​ຈຶ່ງ​ເກີດຜົນ​ຮ້ອຍ​ເທົ່າ, ຫົກສິບ​ເທົ່າ ຫລື ສາມສິບ​ເທົ່າ​ຂອງ​ເມັດພືດ​ທີ່​ຫວ່ານ​ລົງ​ໄປ”.

ເມັດພືດ​ທີ່​ຕົກ​ກາງ​ຟຸ່ມໜາມ ຄື​ຜູ້​ທີ່​ໄດ້​ຍິນ​ພຣະຄຳ​ແຕ່​ມີ​ຄວາມກັງວົນ​ໃນ​ຊີວິດ​ນີ້ ແລະ ຄວາມຫລອກລວງ​ຂອງ​ຄວາມຮັ່ງມີ​ເຂົ້າ​ມາ​ຫຸ້ມຮັດ​ພຣະຄຳ​ນັ້ນ​ໄວ້​ຈຶ່ງ​ບໍ່​ເກີດຜົນ.

ເມື່ອ​ຜູ້ໃດ​ໄດ້​ຍິນ​ພຣະຄຳ​ເລື່ອງ​ອານາຈັກ ແລະ ບໍ່​ເຂົ້າໃຈ ມານຊົ່ວຮ້າຍ​ກໍ​ມາ​ຍາດ​ເອົາ​ພຣະທຳ​ທີ່​ຫວ່ານ​ລົງ​ໃນ​ໃຈ​ຂອງ​ພວກເຂົາ​ໄປ. ນີ້​ຄື​ເມັດພືດ​ທີ່​ຫວ່ານ​ຕາມ​ທາງ.

ເມັດພືດ​ທີ່​ຕົກ​ໃສ່​ເທິງ​ບ່ອນ​ມີ​ຫີນ​ຫລາຍ​ດິນ​ໜ້ອຍ ຄື​ຄົນ​ທີ່​ໄດ້​ຍິນ​ພຣະຄຳ​ແລ້ວ​ກໍ​ຮັບ​ໄວ້​ທັນທີ​ດ້ວຍ​ຄວາມຍິນດີ. ແຕ່​ຍ້ອນ​ພວກເຂົາ​ບໍ່​ມີ​ຮາກ​ຈຶ່ງ​ທົນ​ຢູ່​ບໍ່​ໄດ້​ດົນ, ເມື່ອ​ມີ​ຄວາມຍາກລຳບາກ ຫລື ຖືກ​ຂົ່ມເຫັງ​ເພາະ​ພຣະຄຳ ພວກເຂົາ​ກໍ​ລົ້ມເລີກ​ໄປ​ທັນທີ.

“ອານາຈັກ​ສະຫວັນ​ປຽບເໝືອນ​ຊັບສົມບັດ​ທີ່​ເຊື່ອງ​ໄວ້​ໃນ​ທົ່ງນາ. ເມື່ອ​ມີ​ຊາຍ​ຄົນ​ໜຶ່ງ​ພົບ​ເຫັນ​ແລ້ວ​ກໍ​ເຊື່ອງ​ໄວ້​ອີກ ແລະ ດ້ວຍ​ຄວາມຕື່ນເຕັ້ນ​ຍິນດີ​ຫລາຍ​ລາວ​ຈຶ່ງ​ໄປ​ຂາຍ​ທຸກສິ່ງ​ທີ່​ຕົນ​ມີ ແລ້ວ​ໄປ​ຊື້​ເອົາ​ນາ​ທົ່ງ​ນັ້ນ.

ຍັງ​ມີ​ບາງເມັດ​ອີກ​ທີ່​ຕົກໃສ່​ດິນ​ດີ​ຈຶ່ງ​ເກີດຜົນ​ຮ້ອຍເທົ່າ, ຫົກສິບ​ເທົ່າ ຫລື ສາມສິບ​ເທົ່າ​ຂອງ​ພືດ​ທີ່​ຫວ່ານ.

ປະ​ໃຫ້​ເຂົ້າ​ທັງ​ສອງ​ໃຫຍ່​ຂຶ້ນ​ນຳ​ກັນ​ຈົນ​ເຖິງ​ເວລາ​ເກັບກ່ຽວ. ໃນ​ເວລາ​ນັ້ນ​ເຮົາ​ຈະ​ບອກ​ຄົນງານ​ເກັບກ່ຽວ​ໃຫ້​ກ່ຽວ​ເຂົ້ານົກ​ກ່ອນ ແລະ ໂຮມ​ເປັນ​ມັດ​ເຜົາ​ໄຟ​ຖິ້ມ​ເສຍ, ສ່ວນ​ເຂົ້າຫວີດ​ນັ້ນ​ໃຫ້​ໂຮມ​ໄວ້​ໃນ​ເລົ້າ​ຂອງ​ເຮົາ’ ”.