Ane om na ne pain ca an xiho' huhun ne. Jimama' je. Mo ta param hwein ca taramaxicon wa ma', om ta xec xec hwe, taramaja mi' pan jujun oro win ma' hwe ma'. Mo ta param huhun oro win ma' nuhu' pain ca querec pin' cucuhu' pain ca hwara' opa nuhu' ma', na e' na pain ca taramaja mi' huhun. Win ca wari' co taramaja mi' e' non taramaxicon nucun ma', ac i ma' je pain ca taramaja mi' e' huhun oro win ma' hwe ta. Win ta' ca', pain ca Iri' Wari' ta' ca'. Om ca maqui' ta' pain ca taramaja mi' xine xuhu', om na. Taramaja mi' pan xim inuhu'. Mi' pin caho' xim inuhu', ma' ta witan mija hwe ta inuhu'. Je ca maqui' ta' ca' na ca tomi' caparut ca'.