Populære bibelvers fra Ruum 12

Del

Ada kou sumugut do gaagaya di tulun siti vonuvo, nga mokiimbano di Kinoringan kasangkat diri kouvangan do ginavo om sinoromo muju, supaya sumiliu do vagu i ginavo muju. Om irad dino koilo kou mongintutun nong onu iri kaandaian do Kinoringan, irino i aandai, i kouvanganJo om i aavi-avi kaandai-andaio.

Oou kosusuladanku, sabap do agajo iri kosianan do Kinoringan daton, monuu oku marong dikovu do posongonuvan mujuno do Kinoringan ino kojuvan muju do osiliu do isogit di poimvijau, olidang om kouvangan Disido. Ontok do posongonuvan muju Disido ino kojuvan muju, irino isamba muju do apatut.

Misti do asanang ginavo muju do kivaro pangaarapan muju, om ontok do osuat kou do kasansaraan nga sangalai mujuno om ogiat kouno do sumambayang.

Ada kou mokikala di araat, nga vaalo mujuno iri aandai do pangala diri araat.

Om misti do moisusuli kouno au kojuu moisusulod saralom Koristus om misti moisosogulu kouno moisusuau do mongurumat.

Om misti monginomod kouno do au kojuu do vokon, om kobonsi kouno di tongaraat om vaalo mujuno iri tongoandai.

Nong obuli-bulipo daa kumiandai kouno kasangkat di tongotulun supaya ausono pioduan.

Oou kosusuladan di au kojuuanku, ada kouno kumondiri sumuli di tulun do mangaraat dikovu, nga ombono i Kinoringan do sumuli, do kivaroi tinangaran do Kinoringan nokotulis siri Kitab do, “Iokuno apatut do monsuli, om sulianKui iolo diri,” ka.

Adano paalang-alango ino korojino muju kumaraja, nga ovi-oviono popogirot ino ginavo muju do kumaraja di pakarajaan do Tuhan.

Sabap opuavang i Kinoringan manaak dogo diti karaja, mitangar oku pointikid-tikid dikovu, do ada muju polobi-lobio ino sinoromo do mantad diri oilaan muju. Aandai do pipupurimon mujuno supaya kotutun kou kondiri nong onu iri oilaan muju, do irino miirad diri kaparsayaan muju di Koristus di nitaak do Kinoringan di pointikid-tikid dikovu.

Om ada muju suliai do araat iri tulun do araat dikovu. Vaalo mujuno onuu nopo iri aandai, iri aandai kaantangan do kasangkat do tongotulun.

Misti do moiiso i ginavo muju. Om ada kosumbung, om ada minsoromo do apandai kou mantad di tulun vokon, nga poinsuribakono ino ginavo do kumaraja diri nunuu nopo.

Irad nopo diri, kivaro nogi tangar siri Kitab do ka, “Nong vitilon nopo i musunu om paakanono om tuuvan nopo isido om poiupono, do kooyon muju isido diri supaya irad diri bosi tinunuvan siri tapui do rumagang i pamarasan disido do oikuman,” ka.

Om pokibarakataino do Kinoringan iri tulun di pokoruol dikovu; pokibarakataino om ada intulusai. Nong asanang marong i ginavo do tulun, misti maja kouno diri tulun do asanang i ginavo; om nong mogiad i tulun, misti maja kouno diri tulun do mogiad.

Om onuan mujuno iri tongotulun diri songonuvon di Kinoringan diri auso kosusukupan, om osuau kouno do popoindakod do isaai nopo tulun rumikot sino dikovu.

Pointikid-tikid daton kivaro kojuvan nga oguu iri tongoboogian di kojuvan tokou, irad do tongolongon, i tongotakod om ii vokon-vokonpo, om moisosondiang i kogunaanjo. Jadi irad tokou nogi diri kojuvan, do insan songkuropo asapou, nga isoi ko do iso kojuvan do nokopiiso tokou di Koristus. Om moisuput-suput tokou irad diri tongoboogian siri kojuvan.