Populære bibelvers fra Ruum 10

Del

Do nong mangakun iti kabang tokou do i Yisus nopo nga i Tuhan tokou, om aparsaya iti ginavo tokou do vinijau di Kinoringan Isido mantad si pialatan di tongotulun di nongapatai nga kaanu tokovi do kovijaan do auso koovion.

Do mantad di ginavo do aparsaya i tulun om pakabanaron nogi isido di Kinoringan, om mantadi di kabang di tulun mangakun om onuan isido do kovijaan.

Jadi korongoupo i tulun om aparsaya nogi isido, om iri nopo iporongou nga irino tinangaran pangabaran pasal di Koristus.

Do kivaro tangar siri Kitab pasal di Koristus do irad diti, “Isai-isai nopo i aparsaya Disido nga aui orualan i ginavojo,” ka. Do ausoi pisondiangan do tulun Joudi om tulun di okonko bansa Joudi sabap sosoiso i Kinoringan, om isidono i Tuhan do kasangkat do tulun. Om mamarakat marong Isido kasangkat do tulun di lumoou mokitulung Disido. Do kivaro i tangar siri Kitab do, “Isaai nopo i lumoou mokitulung di Tuhan nga irino onuan do kovijaan,” ka.

Om potingkuro dii gia iri tulun mongoi porongou nong au suuon do mongoi? Do irad di nokotulis siri Kitab do ka, “Songkuro kaandai do korikatan di tulun mongovit di abar do aandai,” ka.

Nga potingkuro dii gia iri tulun lumoou di Tuhan nong aupo aparsaya iolo Disido? Om potingkuro dii gia iri tulun aparsaya nong aupo nokorongou iolo pasal Disido? Om potingkuro dii gia iolo korongou nong auso poporongou?

Pinogosob di Koristus i Undang-undang Ugama do Joudi, om mantadno dii diri do pointikid-tikid di tongotulun i aparsayano Disido nga pakabanaron di Kinoringan.