Populære bibelvers fra માર્ક 6

Del

ઇસુહુ તીયાહાને આખ્યો, “આવા આપુહુ એક હુના જાગામે જાજી, જીહી આપુહુ એખલાજ રી સેક્જી આને થોડીક વા આરામ કેજી,” કાહાકા ખુબુજ લોક આવતાહા આને જાતાહા, ઈયા લીદે ઇસુ આને તીયા ચેલાહાને ખાવુલી સમય બી નાહા મીલતો.

ઇસુહુ તીયાહાને આખ્યો, એક ભવિષ્યવક્તાલે પોતાજ ગાંવુમે આને પોતાજ લોકુહુને છોડીને બાદી જાગે તીયાલે માન પાન મીલેહે.

જાંહા ઇસુ ઉળીમેને ઉત્યો, તીયાહા એક ખુબ મોડો લોકુ ટોલો હેઅયો, આને તીયાહાપે ઇસુલે દયા આલી, કાહાલ કા ઘેટા સમાન તીયાં દેખભાલ કી સેકે એહેડો કેડો રાખવાલ્યો નાય આથો, તાંહા ઇસુ તીયાહાને પરમેહેરુ રાજ્યા વિશે ખુબુજ ગોઠયા હિકવા લાગ્યો.

આને તીયાં અવિશ્વાસુ લીદે, તોઅ તીયાપે આથ થોવીને થોડાક બીમારુહુને હારે કેયે, પેન તીહી વાદારે ચમત્કારુ કામ નાય કી સેકયો, આને ઇસુલે તીયા લોકુ અવિશ્વાસુ લીદે નોવાય લાગ્યો, આને તીયા બાદ ચારુસોમકુલ્યા ગાંવુમે ગીયો આને લોકુહુને પરમેહેરુ ઉપદેશ દેદો.

આને ઇસુહુ તે પાંચ માંડા આને બેન માસાહાને લેદે, આને જુગુવેલે હીને પરમેહેરુ આભાર માન્યોં, આને માંડા પાજી-પાજીને ચેલાહાને દેતો ગીયો કા, તે લોકુહુને વાટે, આને તે બેન માંસે બી તીયા બાદાહાને વાટી દેદે. બાદાજ લોક ખાયને તારાય ગીયે, આને તીયાહા વાદલા ટુકડા વીસ્યા આને માંડા તુટલા ટુકડા આને માસા કી બારા સીબલે પોયને વિસ્યે.