Populære bibelvers fra Ɓalɔma 10

Del

Ndʉ waɓɨakɨa nʉ moni kʉsɔɔ makʉɔngɔ apɛɛ ʉ ɓombi ɓɔ Yeso a Makʉʉɓɨɨ, nʉ ndʉ wabaya akʉ 'ʉtʉma nguʉsɔɔ kingono ɓɔ Asʉɓɨɨ a꞉mʉjʉkaniso ati ʉ mɨnda, wa꞊nyɨa nʉ ɓʉhɨa nyɨaa.

Jʉ ɨngbaa yɛɛ ɓie ngbingbii apɛɛ Asʉɓɨɨ ya tʉkʉ kʉbaya amati ʉ 'ʉtʉma. Nʉ ɨngbaa yɛɛ nyɨɛ nʉ ɓʉhɨa ya tʉkʉ kusigo nʉ moni kʉsɔɔ ɓɔ « Mʉbaya bayaa. »

Kʉ ɓwanɨ, baya yaaʉngwanakɨa tʉkʉ nʉ nɨkɔ ɨsaʉ, nʉ ɨsaʉ ngiinanɨ yaanyɨa 'upi akʉ ɨsaʉ yɨ Klisito.

Jʉ Mubio kʉ Asʉɓɨɨ ka꞉sigo ɓɔ: « Mombi kʉ 'uɓomu ngia amʉbaya ambʉkʉkwa soni. » Kʉ ɓwanɨ, Ɓayuda, nʉ ɓombi ngiɓa ɓambʉkɔmʉ Ɓayuda ɓa tʉkʉ kʉ ngbanga, jʉ Makʉʉndaɓʉ a tʉkʉ mʉngana. Nʉ ɓombi kʉ ɓuɓomu ngiɓa ɓaamʉta ɓamoni ɓɔɔ manzanza ngiɓangɔ, aaɓunzo ɛɓɔ tʉkʉ nzoo. Ya kʉ iya Mubio kʉ Asʉɓɨɨ kaasigo‑ɔɔ ɓɔ: « Mombi kʉ 'uɓomu ngia aasoko ino yɨ Makʉʉɓɨɨ, a꞊nyɨa nʉ ɓʉhɨa. »

Nʉ ɓa꞊ɓɨakɨa ɨsaʉ yangɔ ɨkyɨkyɨɓʉmʉ tanɨ ɓʉtʉmenikɔmʉ ɓombi kʉsa kʉɓɨakɨa Ɨsaʉ ngiinanɨ? Jʉ Mubio kʉ Asʉɓɨɨ kakusigo ɓɔ: « Ya iɗo kʉna mombi ngia aaɓɨakɨa Ɨsaʉ yɛɛ Iɗo kʉka. »

Ɨkyɛmɨngana, ɓombi ɓa꞊musoko ɨkyɨkyɨɓʉmʉ tanɨ ɓambʉmʉbayenikɔmʉ? Nʉ ɓa꞊mʉbaya ɨkyɨkyɨɓʉmʉ tanɨ ɓambʉkenɨkɔmʉ ɨsaʉ yangɔ? Nʉ ɓa꞊kɔ ɨsaʉ yangɔ ɨkyɨkyɨɓʉmʉ tanɨ ndʉ yambukuɓio nʉ mombi ngia akʉɓɨakɨa engo?

Ati ngia Klisito a꞉ka‑ɔɔ, ʉpanʉ wambʉɓʉya akʉ inyi yɛngɔ aka ekoo ngia ɓɔ mombi kʉ uɓomu ngia a꞊baya uɓio ngbingbii apɛɛ ʉ Asʉɓɨɨ.