Populære bibelvers fra Luka 6

Del

Mɔɛchayɛ bakinɛ na Kakua ɔtabaɛchaye. Motakonje ikonja lekoo lya chaa bɛɛ. Kɔmɔa batamochekyee mo kyakaɛ kɛɔmbɔlwa ketochekyea banu bakinɛ.»

Mondo mwaachi ɔtɔɔcha maachi matotoka ko motema waakɛ. Ne mondo wabɛchaya, bwabea bɔtɔɔcha awɛ bototoka ne mo bwabea bɔtɔɔnga awɛ mo motema waakɛ. Kɔmɔa kanywa ke mondo kaanga kɔɔcha ne makomo matochekya motema waakɛ.»

Mokondaye baangani niinu, ne kobaketeaya byaachi. Ne koambesaya kotaasi kobaela bakɔɔtɔsɛɛ. Mwasoketa bɔbɔ, motakonje ikonja lekatala, kabee mɔtabɛ kiinɛkinɛ baana ba Kakua we Kwiyoo Njɔɔ. Kɔmɔa awɛ otoketa maachi ko bando bataasi batusukulu ne ko baa batoketa bwabea.

Mɔbɛ ne lokwa boe Isinu ne lokwa.»

Yɛsu na kɔɔcha kabee itɛ: «Mɔkɔsɛkyaya mondo sambo, na Kakua ndakabakɔsɛkyɛ sambo. Mɔɔchaya bakɔsɛkyɛ bakinɛ sambo, na Kakua ndakabamɔkɔsɛkyɛ sambo. Muungwee bakinɛ lokwa, na Kakua otamuungwee lokwa.

Yɛsu na kɔbaɔkɔɛa bando kabee itɛ: «Alakini natobasaolea banu bae mu kunungwa itɛ: Mokondaye baangani niinu. Mobaketee byaachi baa batɔbakɔna. Mwiyayaye kwa Kakua ɔbaɛchɛ lɔkɔka baa bae mo kobakimoa. Ne mwiyayaye kwa Kakua ko baa batobamɔnya manɛnɛ.

Boa botokonda banu bando babaketee mobaketee nabɔ bwakaɛ.

Ingɛ mondo osobaamea kwitama lɛmɔɔsa, mumutuulee ne likinɛ. Ne ingɛ mondo osokobakoa ikɔti lyao, mɔlɛkɛɛla ne sumisi yao. Ɛcha ɔɔsɛ ɔtakɔɛngɛɛ, ne ɔɔsɛ otakobakoe byɛndɔ byao, ndɛ kɔmɔɛngɛa ɔbiɔtɔɛ.

Yɛsu na kɔɔcha kabee itɛ: «Kuusi mote mwaachi otaɔsɔnɛ koocha bimuka byabea, ɔbɛɛ mote wabɛchaya kowamba bimuka byaachi.

Kɔmɔa mote ɔɔsɛ otochebekwa ku bimuka byakɛ. Ndakakotoe tini ko mete yɛ mɛkɛɛ, ne ndokakaole misabibu ku kichinaka kye malɛngɛ.