Populære bibelvers fra Baɛfɛsɔ 2

Del

Ne koetea koongwa kwito amɔɔsa na Yɛsu Kilisito, Kakua watobomba ne bae tokete bikete byaachi. Bia bikete byaachi, Kakua wabisangya kaɛ ko bae kubiketaya.

Kɔ kɔmɔa, mosooloka ne kɔ lɔkɔka, koetea iekekeo. Biisi ko kokonda kwinu, kee ne kɛɛchwa kotoka kwa Kakua. Biisi ku bikete, mondo ndaitombekaya.

Kakua, awɛ oe ne lokwa lwabua, ne kabee ototokonda byabua. Ko boa awɛ na kotoolola amɔɔsa na Kilisito; naanga mwabɛchaya mosokwa kemotema, mosooloka kɔ lɔkɔka lwa Kakua.

Ko koongwa kwito amɔɔsa na Yɛsu Kilisito, Kakua na kutuubua amɔɔsa naakɛ kɔmɔa toongwe naakɛ amɔɔsa kwiyoo.

Ne ko boa baanu bataasi Bayula moekee kabee bɛɛni ɔbɛɛ babeoka; motae ne bɛɛnɛ amɔɔsa ne bando ba Kakua, kabee motae ne bando bɛ nɔngɔ yaakɛ. Mo leno motae bwe ndabo esoabokiwa monganda mwe musingi waabokiwa ne ndomwa ne ndɛnda cha Kakua; na awɛ Yɛsu Kilisito mwɛɛnɛ ne iwɛ lye kaongoongo.