Populære bibelvers fra 2 Timɔtɛɔ 1

Del

Ko boa, Kakua ndatɔɛcha Motema we kotobeka nɛ bɔɔba. Watɔɛcha ne Motema we kotobeka nɛ bɔkɛtɛ, ko kokonda ne kwikɔbɔa.

Awɛ ne watoolola, kabee awɛ ne watwitana, kɔmɔa toongwe bando bakɛ ba ama. Koa kooloka kwiito kotoongwaya ko bikete biito, koe ne ko boa bwakonda awɛ koketa ko lokwa lwakɛ awɛ mwɛɛnɛ. Na loa lokwa watɔɛcha alwo, koeta Kilisito Yɛsu, kombaa kwe kɔsɛnga mɔsɛngɛ.

Kɔ bɔbɔ, nae mo ko koeyoa, sekecha bɔkɛtɛ bwa Kakua, bokonjee awɛ akobekee mee manja mo motwe wao.

Ko boa, nde kokwa masɔni mɛ kɔɔcha makomo matocheba awɛ ma Mwaame wiito. Kabee ndekokwa masɔni ko boa boe mee mo kekako ko mbanga yaakɛ. Ongwa naanɛ mo keeko kye mayombe me kosaola Ilɔngɔ Lyaachi nɛ bɔkɛtɛ bɔkɔɛchɛɛ Kakua.

Nɛ kɔ bɔbɔ nae mu kubimɔɛna manɛnɛ, situbikwea masɔni. Kɔmɔa olya utwimenya mee mo motema waanɛ natomocheba bwaachi. Bwakaɛ, natocheba itɛ, biisɛ byambɛcha awɛ oe nɛ bɔkɛtɛ bwe kubikongoseka ɛka alya akaotoka awɛ.