Populære bibelvers fra 1 Timɔtɛɔ 2

Del

Kɔmɔa, koe Kakua ɔmɔɔsa, ne otosambya ɔmɔɔsa asambea Kakua ne bando, na olya mondo ne Kilisito Yɛsu. Wailamboa awɛ mwɛɛnɛ boe keochwa ko koolola basɛ. Lele ne ikomo lɛsɔɔchiwa kokee kyanya.

Kombaa kwe biisɛ, nasobasaolea itɛ, kɔɛngɛa kwa Kakua ne kwiyaya ne kwisingea ne koeyoka byabaketea awɛ koketeke kombanga yee bando basɛ. Bie bwaachi twiyaye ko mbanga yee nombe ne yee binombe; ngɔmɔa tuchikae nyaa mu kuisambya nɛ kɔnyɛmya Kakua ne mesako myaachi.

Ko bobo, natokonda bando baiyaye kwa Kakua mo maboa masɛ, mo kosakoa mabɔkɔ ma ama kwiyoo, kotasi moemo ɔbɛɛ meango. Kabee natokonda baabakachi babwae biwalwa bye kwinyɛmya. Bie bwaachi baibweke nɛ nyɛnyi, ne kwikɔbɔa. Ndɛɛkɔ ko abɔ ko kooka mitindɔ yee soke yee kaechaecha, yee pauni, ɔbɛɛ yee masanga, ɔbɛɛ yee ngubɔ che ibei lya koba. Baongwe ne bikete byaachi, botowaena abyo ko baabakachi batɔnyɛmya Kakua.