Populære bibelvers fra 1 Yɔana 4

Del

Bɔɔba buusi monda mwe kokonda kwe kiinɛkinɛ, kokonda kwe kiinɛkinɛ kwaanga kuchia bɔɔba, kɔ kɔmɔa bɔɔba botoangoecha keangaa kye kokonja manɛnɛ na olya utuungwa bɔɔba ndaasi monda mwe kokonda.

Banu, baana bakɛɛkɛ, moe ne ba Kakua ne moobakoela. Kɔ kɔmɔa olya oe monda mwiinu oe mokoo koeta olya oe mɔ mɔsɛngɛ.

Bae totokonda kɔ kɔmɔa awɛ watokonda kombaa.

Ee ngondwa chaanɛ, tokondane bae bɛɛnɛ kwɛ bɛɛnɛ; kɔmɔa kokonda koe ne kwa Kakua, nɛ ɔɔsɛ otokonda, ooboteka na Kakua ne otocheba Kakua.

Olya otaasi ndatokonda, ndaacheba Kakua, kɔmɔa Kakua ne kokonda.

Koo ne kokonda; ataasi itɛ bae ne bakonda Kakua, ko boa bwatokonda awɛ na kotoma Mwaana waakɛ koongwa keochwa ko bwabea bwito.

Ee ngondwa chaanɛ, kende Kakua ototokonda bobo, totokoka ne kokondana bae bɛɛnɛ na bɛɛnɛ.

Kokonda kwa Kakua kwamɔɛka mwingya mwiito koetea boa bwatoma awɛ Mwaana waakɛ ɔmɔɔsa mɔ mɔsɛngɛ tokonje mwɛchɔ koe awɛ.

Kende mondo ɔsɔɔcha itɛ: «Natokonda Kakua», koko nɛ ɔtɔkɔna mobotwa naakɛ, oe we manu; kɔmɔa olya ɔtɔkɔna mobotwa naakɛ ɔtɔmɔa awɛ, booni botakonde awɛ Kakua otaasi awɛ ndatɔmɔa?

Ɔɔsɛ utwimenya mo ndongo itɛ Yɛsu ne Mwaana wa Kakua. Kakua oe monda mwaakɛ na awɛ monda mwa Kakua.

Na awɛ ɔtɔɛchɛɛ eena salia: ɔɔsɛ otokonda Kakua okonde mobotwa naakɛ.

Ee ngondwa chaanɛ, mwimenyaya ɔɔsɛ ne motema, kombaa nɛ kɔmɛɛlɛka ko kocheba ingɛ ee metema etotoka kwa Kakua, kɔ kɔmɔa ndɛnda chabua che manu chisoolea mɔ mɔsɛngɛ. Mɔlɔlɛ botachebe banu Motema ototoka kwa Kakua: ne motema ɔtɔɔcha itɛ Yɛsu Kilisito wabaka mɔ lɔkɔba oe ne motema wa Kakua.

Ne ɔɔsɛ motema otaasi utwindoa Yɛsu, uusi wa Kakua, oe ne motema we otoangecha Kilisito, uungwee banu itɛ otoba, na leno otae mɔ mɔsɛngɛ.