Populære bibelvers fra NINGPAWT NINGHPANG 27

Del

Karai Kasang gaw nang hpe lamu na numri jaw ya nhtawm na a yi sun hkauna ni hpe ga sau tung shangun u ga! Nai mam law law hte sabyi ntsin ni mung nang hpe jaw na nit dai! Masha amyu baw ni na a shangun ma ni tai mat mu ga; amyu masha ni mung nang hpe dingnyawm gum dagup nga mu ga. Na amyu matu mara ni yawng hpe nang up hkang nna na ningnu a amyu matu ni na a man e dingnyawm nga mu ga; nang hpe matsa ai ni matsa ai bai hkrum mu ga; nang hpe shaman ai ni shaman ai bai hkrum mu ga,” ngu nna tsun wu ai.

Esaw gaw, “Ndai lang hte lahkawng lang shi ngai hpe maw sha kau nu ai. Dai rai nna shi a mying Yaku rai nga wu ai gaw hpa mau shara n rai nga ai. Nye a hpu lat aya hpe mung shi la kau nu ai. Ya mung nye a shaman chyeju hpe la kau ya nu ai. Nye a matu shaman chyeju langai mi mung nang n ngam da ya sani?,” ngu nna tsun wu ai.

Dai hpang Isak gaw shi hpe, “Na a matu lamu na numri hkrat na n rai; Na a matu ga sau rawng ai yi sun hkauna ni nga na n rai. Na a nhtu hte nang hkrung nga lu na ndai. Rai ti mung na a kanau a mayam tai nga u; Nang gumlau rawt yang, shi a reng hkang ai hpe nang daw kau ya lu na rin dai,” ngu nna tsun wu ai.

Rai ti mung, Esaw mahtang shi a kawa hpe, “Wa e, nang gaw shaman chyeju langai sha lu n ni? Wa e, ngai hpe mung shaman ya e!,” ngu nna jahtau hkrap let matut hpyi lajin wu ai.