Populære bibelvers fra Ruumiya 14

Del

Ŋinena athi gidhila ga Kalo rui kia i iye no; ŋwubiro dhuŋun dhina dhiŋir, a audhaijiye galo, a iŋir dhugore gi Dhigirim dhina Dhiŋir. Ŋinena gwina gwathupijo al Masiiẖuŋw ŋiro gi dhuŋun ibidha, ŋeda gwuminyinu di Kalo, a gwimuminyini gi je ganu ja liji.

Ada alŋa limamidhe, alŋa lathimidhijo Kwelenya; a ada alŋa limai, alŋa latheijo Kwelenya; a ada alŋa limamidhe, i alŋa limai, alŋa la Kweleny liro.

A minoŋ abricije algwuje ŋida ŋina ŋuthi audhaijiyuŋw galo, a ŋina ŋadhiliŋai ucini gweta gweta dega ganu.

A minoŋ athijabrico dilakimiye ko gweta gweta dega ganu manaŋ no; abi gwiŋiranu danya akimiye gi dhuŋun ibidha, dathi kwiji gweta gitijo megen kolya gadhidekajo, i kwoŋ gwiter gwadhi miriŋadhe no.

Ŋinena ulinuŋwna, Nyi gwo gwimidho, Kweleny gwarna, diginy liji peth laji linyidijo ŋwurko ŋwai, a diŋila peth daji datejo Kaloŋa galo. A minoŋ gweta gweta dega ganu gwaji gwadhedha Kaloŋa ẖisaab gwan gwidom gwuŋun.

Gwina gwimulo nono gi imaan uminyul, athanyabi akimiyo dhuŋuna dha afkaar gwuŋun no.

Ŋa gwan ei gwina gwathakimiye gadham ga kwiji gwiter? Gi je ganu ja kweleny gwuŋun gwathimuthini galo i gwathide. Abi gwaji gwamuthini galo; ŋinena uthi Kalo ŋoma duŋwmuthineye galo.