Populære bibelvers fra Ruumiya 12

Del

Athanya abrico dhuŋuna dha gidhila ibiga dhajimirejo dugore no; nyabi upeyini ganu duthi ŋadigirenya ŋina ŋiyaŋ, danya uthi idhejuŋw gi dugor ganu dalo darnu aŋ gwiro dhuŋun dhina dhibupo Kalo dhina dhiŋir, a dhuminyinu, a dhina dhiro didima.

Nyi gwibupo dagalo, limega lai, ina gwai gwa Kalo, danya dhedha Kaloŋa aŋina yalo, iro ŋinena kwoŋ gwadhi jarimani gwina gwimidho, a gwiŋir didirel, a gwina gwuminyinu di Kalo, gwina gwiro ŋiro ŋalo ŋina ŋibupilo Kalo dagalo.

Iŋiriyul dugore gi dhunijo; nyamutha dugore gi dhuŋun dhina dhibur; athanya abiŋaijo Kaloŋa ŋwamun peth.

Athaŋa abrico ŋida ŋina ŋike ŋaŋa dhinyi no, ŋabi dhinyi ŋida ŋina ŋike dhuŋun dhai dhina dhiŋir.

Uminyejul gweta gweta dagalo ganu uminyi gwai gwa ŋimega; gi dhuŋun dha neye, dhedhul kwijo gweta gweta dagalo ganu kaloŋa gina giŋiranu.

A uminyi, abricul athuŋw uthi ukinejinuŋw ganu no. Doinyul ŋida ŋina ŋike; nyamuthini galo gi ŋidi ŋina ŋiŋir.

Ada nyaŋa limuthi ŋoma, gi dhuŋun dhina dhijajina ganu, jul momaŋ liji lai peth audhaijiye gwai galo.

Liji lai lina luminyinu, athanya akimiyo lidom lalo no, nyababricijo kuŋw dhugore kaloŋa. Ŋinena ulinuŋwna, Akimiye gwo diginy; nyi gwaŋa tujo, Kweleny gwarna.

Athanya mulo nono gi ŋiro no; buyul ditir Dhigirim dhai; nyupijo Kwelenya ŋiro.

A nyi gwaro minoŋ gi dhuŋun dha niⓐma gwina gwidhedhinyilo gwan liji peth gweta gweta dagalo ganu, athuŋw geto fikr gwan gwidom gwuŋun gwoinyadhanu di fikr gwina gwiŋir duŋwgeta no; ŋwubireye je galo ŋadigireny ŋai ŋina ŋiŋir, gwiro ŋinena guginijina Kalo lijo peth gisma guŋun gi imaan.

Athanya wurejo kwijo gweta ŋida ŋina ŋike ŋan ŋidi ŋina ŋike no; nyabigeta ŋida ŋina ŋiŋir gi je ganu ja liji peth.

Getul afkaar gwalo gweta gweta dagalo ganu gi ŋidi ŋina ŋaicaijiyo ŋetipo. Athanya irijo ŋida je galo ŋina ŋipiŋipa no, nyabi gitijo lijo je lina litilitiny, athanya rui lipilipa gi lidom lalo no.

Abi ada kwiji gwina gwiro dhuwan dhuŋa gwima jamu eny ganu, dhedhi ŋida ŋa dheny; a ada gwima odha eny, ŋadhedha ŋwiye; ada ŋa gwimapai dhuŋuna ibidha gwimaŋa ura ŋwuraŋ ŋwa iga gi lira alaŋ luŋun.

Barikiyillo lina lathaji irini; nyalbarikiye, athanyal lui no. Iŋiriyul dugore liji lai lina lathiŋir dugore, nyare liji lai lina lathare.

Aicaijiyul gi dhuŋun dhina dhathi ŋediŋa bupe lina liŋir didirel; nyuminyi lirina.

Gwiro ŋinena uthana agsaam gwoinyadho gi aŋinu yetipo, a agsaam peth gwati gwuthi ŋiro ŋetipo no, a minoŋ alŋa lina loinyadho liro aŋinu yetipo di al Masiiẖ, a alŋa peth liro agsaam gwetipo di gwiter.