Populære bibelvers fra Maˍkuˆ 15

Del

Miˍ hkiˍ sumˍ sumˍ naˍ riˍ veu Yeˍsuˆ maˇ ang tangˍ haenˍ nae, Eˉliˆ, Eˉliˆ, Laˍmaˍsaˍbaˍhkaˍtaˍniˆ nae haoˉ yao ciˍ jiˍ. Hingˉ a tekˆ paeˍ yangˍ maˇ, Ga beu Hpaˍcaoˍ, ga beu Hpaˍcaoˍ, ga na ba ceuˉ ha yao paek can na laˍ naeˇ nae ha siˉ naeˉ yaˇ.

Yeˍsuˆ ca naeˉ kaˉ seu mae kaˍ hpaw nae cung yao ca jiˉ luk suikˆ aˉ yaˍ ang ca mangˉ muiˉ Yeˍsuˆ aˉ sak hko naeˉ hingˉ na ya myangˉ yao, Ningˉ maˇ Ang suingˉ Hpaˍcaoˍ beu Ang yaˍ maˉ manˉ jaˇ nae yang ciˍ jiˍ.

Haeˉ mae beu ang buinˉ paˉ kyaˉ cawngˉ ang huiˍ veu ang hpaenˉ yangˍ muiˉ tawngˍ tin veu nae tangˍ yao tawngˍ pawk veu tiˍ hkeu nyiˍ kvak nae chit lakˍ laeˍ jiˍ.

Hingˉ nawngˍ veu, Yeˍsuˆ nawˍ ang seng kaˍ haengˍ nae haoˉ nga yao ang sak hko jiˉ.

Nuing kawngˉ veu, buingˍ nae lok nuingˉ chaˍ yangˍ vuingˉ vangˉ hko yao miˍ hkiˍ sumˍ sumˍ naˍ riˍ veu tiˍ hkeu haeˉ mae hpeuˍ jiˍ.

Ang suingˉ Piˉlatˆ huiˍ maˇ changˉ ang muˉ uiˉ na nuing ba buiˍ biˍ siˍ yao, yawng saˍ laiˍ Baˍraˍbaˆ na poiˉ awkˍ laeˍ biˍ jiˍ. Yeˍsuˆ na nawˍ tuiˍ chuik yao laˍ kang htaˍ veu htaˍ kap voˍ nae ap yao piˍ jiˍ.