Populære bibelvers fra Matìyò 13

Del

Ndzòʼ tə̀ tə kə tswaʼi nəniy anə zùb tə̀ dzoŋə̀ tìy, à də̀ aghû yə̀ ghu zuw tsə nəniy ntwùm ə̀ Kə̀zə̀, ghu zuw kəli tsə, mu tsə utam mə̀mbwàm, àliy yiy mə̀vəm intyìfoŋ, àliy yiy mə̀vəm inti.

Ndzòʼ tə̀ tə kə tswaʼi nəniy anə lòʼo kə təfàb, Tə də yəə à də̀ aghû yə̀ ghu zuw nəniy ntwùm ə̀ Kə̀zə̀, Ayiə ə mbyi, nə̀, niyoŋi kə ukhiy kiy, nə̀ ighaa yiy ani kəli tsə ndə̀mə̀ ndə̀mə̀ tə ufyiə, à də̀ ufyiə wə u kwuni fyaŋə̀ nia nəniy fôŋ tə ghu tiy. Ghu də yəə à də̌ ndzòʼ tə̀ tə də wày ani boŋ utam.

Aghù yə̀ àdzə̀m ghu zuw nəniy ntwum yə kwùmə̀ yə̀ nə̀ loʼo kə Zə̀kìy saʼa nəniy ate, kə̀ kwuni zuw kəli nəway, ghu də yəə à də̌ ndzòʼ tə̀ tə kə tswaʼi nəniy anə dzəd. Satàn ə bù nìy ŋwò fyi kə ntwùm ìghè yə̀ anə fòŋ tə ghu.

Ndzòʼ tə̀ tə kə tswaʼi nəniy anə lòʼo tə una à də̀ aghû yə̀ ghu zuw nəniy ntwùm ə̀ Kə̀zə̀ nə̀ dwiʼi kiy. Ghu də yəə à də̌ ndzòʼ tə̀ ghaŋə tiy də kamə nyi tswi tsə anə təzùb, ghu də dyòʼò tsòŋə̀ wày. Abu ghu fyi kpee kə nə̀ ùtswə̀d wìy, moo aghê ə zəŋi tsə ghu nə̀ ìbɛb yiy kwùmə̀ yə̀ nə̀ ntwùm ə̀ Kə̀zə̀, ghu dyaŋi tu dòʼò yə̀ i nyi ghà yə̀.

Loʼo kə Zə̀kìy saʼa nəniy ate anə kəbyiwuŋ, kə də yəə à də̀ ayiə yə a kə fyi nəniy nə̀ wù wə̀ ù kə kaw kôʼ nəniy ufyiə ùdzoŋə̀ wìy anə uswum. U kaʼ ani dwiʼi nìy nù na dzwàb tsə. U dzwoŋi yə̀ a ndàw we, nìy fè ŋwò mà tsə ufyiə wə ù kə kwu nəniy ùdzə̀m. U zù dzwoŋi zù zwe ŋwò kə uswum ughè wə̀.

Ndzòʼ tə̀ liy tiy tswaʼi yə̀ anə zùb tə̀ dzoŋə̀ tìy. Tə fyi kə, nɛmə kə, boŋ kə. Tə̀ liy tiy boŋ kə təsam fəbwaam, tə̀ liy tiy mə̀vəm intìfoŋ, tə̀liy tiy mə̀vəm inti.”

Ghà na tsə kə ùzuu ughè wə̀ ghi u si nɛmə yə nə̀ àsaŋə, soŋə fə̀ kpiy fiy kpe tsə. Mə kî dzìy yə̀ awò àghě kəfàʼ yamə nə̀ abu ghu dziy zû kpîy, ghu ki tsway yə̂ dzə̂ ùzuu ughè wə̀, ghu kwû na yə̂ anə abwoʼ ghu pìə̀ maʼà kə. Ghu kpîy kə asaŋ aghè yə̀, ghu na nyi kə anə uta.