Populære bibelvers fra حزقي ايل 4

Del

تنهن کانسواءِ تون پنهنجي کٻي پاسي تي ليٽ، ۽ اسرائيل جي گهراڻي جو گناهہ انهي تي رک: جيترا ڏينهن تون انهي تي ليٽيو پيو هوندين، اوترا هنن جا گناهہ تون کڻندين. ڇالاءِ جو جيترا هنن جي گناهہ جا سال آهن، اوترا مون تنهنجي لاءِ ڏينهن مقرر ڪيا آهن، يعني ٽي سؤ نوي ڏينهن: ان موجب تون اسرائيل جي گهراڻي جا گناهہ کڻندين.

۽ جڏهن تون اُهي پورا ڪري ڇڏيندين، تڏهن وري ساڄي پاسي تي ليٽج ۽ يهوداہ جي گهراڻي جا گناهہ کڻج: انهي جا مون تو لاءِ چاليهہ ڏينهن مقرر ڪيا آهن، هرهڪ سال لاءِ هڪڙو ڏينهن.

۽ تون پنهنجي لاءِ ڪڻڪ، ۽ جَوَ ۽ چونرا، ۽ موٺ، ۽ ٻاجهري، ۽ چيڻو کڻ، ۽ اُهي هڪڙي باسڻ ۾ وجهہ، ۽ انهي مان پنهنجي لاءِ مانيون پچائي؛ اوتريون مانيون جيترا ڏينهن تون پنهنجي پاسي تي سمهيو پيو هوندين، يعني ٽي سؤ نوي ڏينهن انهن مان پيو کائج.