Populære bibelvers fra Met 9

Del

Zambe nye na: E ndem élat ma telé e zañe jam a mia, nalé fe bevevee be biôme bese be ne a mia asu miaé mia zu e nje nyô: Ma telé ntutume wom e minkut été, a wo ye bo ndem e zañe jam a *si nyô.

Ntutum wo ye bo e minkut a ma ye fombô wô asu ya simesan élate ya nnôm éto e zañe Zambe a bitétéa bi vee bi ne *si nyô.

Nyô a kuli metyi me môt, metyi mé ma ye fe kuliban a e môte mbok.

Zambe a nga botane Noé, nalé fe bobefame bé a jô be na: Bian a fôé a yiane si.

Jôm ése ja woñ a é vee ja ye bo mia bidi; ma ve mia je avale fe me nga bo asu bilé.

Mia ye bo ékowoñ a angônda jam e mfa'a tit ése ya si, ônon ôse ya yôp, jôm ése ja woñe si a bekos bese ya mañ; be ne e mvean e mo menan été.

Amu Zambe a nga bo môt a éyeka'a jé; a mia, bian a fôé, jala'ane *si nyô a bôt, a bo'on abui été.