Populære bibelvers fra Met 28

Del

Tame yen, mamien me ne a wo a ma ye ba'ale wo e vôm ase wo ye ke a ma ye bulane wo e vôme nyô; amu ma ye bo te li'i wo nté me ngenane te tôé e jame ma jô wo.

V'étua jame na Nti a mbe ôbete te yôp, nye na: Me ne Nti, e Zambe Abraham ésoo, a e Zambe Izak. E si ô bôô le, ma ye ve wo je a mvoñe bôte jôé.

Yakob a nga vee ôyo vié a jô na: E ne fo'o na Nti a ne vôme nyô, ve ma ma be teke yeme nalé!

Yakob a nga tiñeti na: Nge Zambe a ne a ma, nge a ba'ale ma e zene ma ke, nge a ve ma bidi ya di a mengômesane ya jaé; a nge me bulane *mvo'é e ndaa ésaa wom, éyoñe te Nti a ye bo Zambe wom. Ako'o ma te telé ane ndeme di, da ye bo *nda Zambe. Ma ye ve wo *ngab awômô ya biôme bise wo ye ve ma.

Mvoñe bôte jôé ja ye bo teke alañé ane mbulu'u ya si; wo ye ke mfa'a jôbe da dim a mfa'a jôbe da tôô, akôé a nké. Menda me bôte mese ya *si nyô ma ye bi ébotan e be wo a e be mvoñe bôte jôé.

A nga yôlé vôm ate na Bétél, ve jôé tison e nga taté bo na Luz.