Populære bibelvers fra Jeremeia 7

Pan ddes i â’ch hynafiaid chi allan o wlad yr Aifft, nid rhoi rheolau iddyn nhw am offrymau i’w llosgi ac aberthau wnes i. Beth ddwedais i oedd, ‘Gwrandwch ar beth dw i’n ddweud. Bydda i’n Dduw i chi a byddwch chi’n bobl i mi. Dw i eisiau i chi fyw yn union fel dw i’n dweud wrthoch chi, a bydd pethau’n mynd yn dda i chi.’

“Ond doedden nhw ddim am wrando na chymryd unrhyw sylw ohono i. Dim ond dilyn y duedd ynddyn nhw i wneud drwg, a mynd yn bellach oddi wrtho i yn lle dod yn nes.

“‘Rhaid i chi newid eich ffyrdd, dechrau trin pobl eraill yn deg, peidio cam-drin mewnfudwyr, plant amddifad a gwragedd gweddwon. Peidio lladd pobl ddiniwed ac addoli eilun-dduwiau paganaidd. Dych chi ond yn gwneud drwg i chi’ch hunain! Os newidiwch chi eich ffyrdd, bydda i’n gadael i chi aros yn y wlad yma, sef y wlad rois i i’ch hynafiaid chi i’w chadw am byth bythoedd.

Mae’r ARGLWYDD hollbwerus, Duw Israel, yn dweud fod rhaid i chi ddechrau newid eich ffyrdd. Os gwnewch chi, cewch chi aros yn eich gwlad.