Populære bibelvers fra MATIU 21

Del

Be mu nurnur, io, mu na hatur kawase aso ira linge ing mu sasaring urie.”

Ma ne Jisas ga balu di horek: “Mu hadado baak! Be mu nurnur ma paile iruo ira numu lilik, io, i tale mu be mu na gil hokakarek iou te gil tano ina papus. Ma i tale bileng mu ta ira dades na linge sakit. Hokike i tale mu be mu na tange ta ikino uladih horek, ‘Taman tut, ma nu tamaragat sur utuma ra tingan tes.’ Ma ina ngan hobi.

Ma ira tamat na matanabar ing di ga lilie hanana ma dong ing di ga murmur hanana, di bakut, di ga kakongane hanane be, “Da pirlet no Tubu ne Dawit! No haridan na kis tano nong i hanawat ura gilgil haruatne ira sinisip tano Watong! Pirlet God nong i kis tuma nalu sakit!”

Ma iga tange ta di be, “No nianga tane God di ga pakat ie i tange horek: ‘No nugu hala na lotu, da kilam ie be a hala na sinsaring.’ Sene be mu gilgil balik ie hoke tike munmun ta di ra holmatau.”

“Tange ta di tuma Ierusalem tano uladih Saion horek: ‘Nes baak! No numu king ike i hananawat ukatika ho mu. A matmatien wana ie, ma i kiskisi hanane tike not no donki.’”

Ma ne Jisas ga tange ta di be, “I tahut be mu na lik leh no nianga tane God di ga pakat ie i tange horek, ‘No hot nong ira ut na pakila hala di ga malok leise ie, kinong di ga lik be a linge bia ie, i nanaas ter be aie balik um no dades na burwana tano hala bakut. No Watong iat ga gil hokakarek ma i manga bilai sakit be dait na nes ie.’

“Io kaie, iou hinawase mu be no kingdom tane God, da kap leise ie ta mu ma da ter ie ta di ra mes ing di na papalim haruat ma no sinisip tane God.