Populære bibelvers fra G%E9nesis 13

Del

Ronojel ulew le chi kawilo, Yin lik kinya ni chawe, xaq chke amuq axikin ronojel ij saq.

Are enaq chik ma Lot, i Ajwal xub'ij che ma Abram: “Chila ipa at o wi le chattaqen b'i pa moxab' xaq pa wiqab', chattaqen b'i prelb'al ij xaq puqajb'al ij.

Kin-an ni chke amuq axikin chi lik je k'i, pacha uk'iyal uk'aj ulew; man keje pacha uk'aj ulew k-an ti tikilem chrajlaxik xaq keje uri amuq axikin, k-an ti tikilem chkajlaxik.

Rumali ma Abram xub'ij che i rika' chi ma Lot: “Utz taj chi o ch'oj chqaxol yoj awu', xaq chkixol ajyu'ul qachikop; man lik oj alal awu'.

Are uri ma Abram xutor b'i umujb'al, x-e jeqi naqaj che i Hebrón, chuchi' i nimaq taq k'achelaj re i Mamre, chila xuyijb'a jun sujb'al sipon re i Ajwal.

I ma Lot xtaqen b'i k'ulala, are uri xril pan i ta'aj re i raqana Jordán, pusuk' b'i Zoar, chi lik utz re kja'axik pacha i tikanb'al re i Ajwal, xaq kmajawik pacha ulew pa Egipto, are k'amaja ksachsax uwach i nimaq taq tinimit Sodoma xaq i Gomorra rumal i Ajwal.