Populære bibelvers fra 2 Corintios 3

Del

Man i Ajwal are Utewal i Dios. Xaq ipa o wi i Utewal i Ajwal, chila nti chik jun k-anaw k'ax chawe.

Qonojel yoj ch'uqtal ti chik qapalaj; oj keje chik pacha jun ilb'al ib', chi k-aljin uchomal i Ajwal chqe; kok'ilal kojjalwachixik k'a kojmajaw na pacha i Ajwal. Ile k-ani chqe rumal Utewal i Ajwal.

Xwiri jun winaq are kujach rib' che i Ajwal, i k'ul le kelsax uri che chi uch'uqum unojb'al.

man are i Dios kuya chqe chi kojtiki chu'anik uchak ire. We to' qatukel yoj, lik kojtiki ti chu'ankil ile. Are ire xuya chqe ronojel wach i rajwaxik che uchak re i k'ak' trat. I ujer trat tz'ib'talik, xa are jun atb'al tzij pkiwi i winaq. Xwiri wo'or are i trat k'ak' are i Lo'laj Utewal i Dios kchakun pqak'ux. I ujer trat xupetsaj i kamik pqawi; xwiri i k'ak' trat kupetsaj i Lo'laj Utewal i Dios pqawi, yab'al re i k'aslemal chqe.