Populære bibelvers fra 2 Corintios 12

Del

Xwiri, i Ajwal ub'im chwe: “Are o i uchak chawe are i k'axnab'al ink'ux; i incho'ab' mas kuriq uchak chawe are nti acho'ab' yet”; keje ile xub'ij chwe. Rumali kinkikotik man weta'am chi utz we nti qas incho'ab', man keje ile k-aljin ni ucho'ab' i Cristo chwe.

Rumali kinkikotik, are k-aljinik chi nti qas incho'ab'; xaq kinkikotik, are kinyo'yax kumal i winaq; xaq we o rajwaxik chwe; xaq we o kkitzukuj ch'oj chwij; xaq we kintij i k'ax. Lik kinkikot chuch'ijik ronojel ile rumal i Cristo, man we nti qas incho'ab', are uri kel chwe o mas incho'ab' rumal ire.

Qatzij, we kwaj kinkoj in-ij, are ti ch'uj laj tzij kinb'ij, xa are i saq laj tzij. Xwiri yin kwaj ti kinlap wib' man kwaj taj we xa rumal i kinb'ij le kkib'ij ni winaq chi yin mas o in-ij. Xwi kwaj yin to' kinkilo, to' kinkita, te'uri kkib'ij we utz i kintijin chu'ankil. Ni'pa i xwilo chila chikaj, lik nim u'ij uchomal. Rumali xpe jun k'ax chwe, pacha jun k'ix o chupam inch'akul; pacha jun utaqon Itzel ku'an k'ax chwe, man keje ile kinkoj ti in-ij ru', wach i xwilo.