Populære bibelvers fra မၢတ်ႈထႄႇ 12

ၵဝ်​ဝႃႈ​တီႈ​သူ​ၸမ်ႉ၊ ၵႂၢမ်း​ဢၼ်​မဝ်​မၢင်​လၢႆ​လၢႆ​လွၵ်ႇ​လွၵ်ႇ ဢၼ်​ၵူၼ်း​တင်း​လၢႆ​လၢတ်ႈ​ၵႃႈ​မီး​တင်း​သဵင်ႈ​တင်း​လူင်​ၼၼ်ႉ​ၸိုင် တၵ်း​လႆႈ​မွၵ်ႇ​လၢတ်ႈ​ၽုၺ်ႇ​ၼႄ​ၼႂ်း​ဝၼ်း​ဢၼ်​ၸီႇ​ယၢင်ႇ​တြႃး​ၼၼ်ႉ​ဢေႃႈ။- လွင်ႈ​မၼ်း​ၸမ်ႉ ၵွပ်ႈ​ပိူဝ်ႈ​ၵႂၢမ်း​မႂ်း​လႄႈ တၵ်း​လႆႈ​ၶၢမ်ႇ​တၢင်း​ဢၼ်​သိုဝ်ႈ​တေႃႇ​ဢေႃႈ။ ၵွပ်ႈ​ပိူဝ်ႈ​ၵႂၢမ်း​မႂ်း​လႄႈ တၵ်း​လႆႈ​ၶၢမ်ႇ​တၢင်း​ဢၼ်​ၸီႇ​ယၢင်ႇ​ဢေႃႈ၊ ဝႃႈ​ၼင်ႇ​ၼႆ​ဢေႃႈ။

ၸိူဝ်ႉ​ၶိူဝ်း​ငူး​ႁၢႆႉ​ၸိူဝ်း​ၼႆႉ​ဢိူၺ်း၊ သူ​ၼႆႉ​ပဵၼ်​ဢၼ်​ႁၢႆႉ​ယူႇ​လႄႈ လၢတ်ႈ​ၵႂၢမ်း​ဢၼ်​လီ​လႆႈ​ၸိူဝ်ႉ​ၼင်ႇ​ႁိုဝ်။ သူပ်း​ၸၢင်ႈ​မွၵ်ႇ​လၢတ်ႈ​ၸွမ်း​ၵႃႈ​ၼင်ႇ​ဢၼ် မီး​တဵမ်​ဝႆႉ​ၵႃႈ​ၼႂ်း​ႁူဝ်​ၸႂ်​ၼၼ်ႉ​ဢေႃႈ။

ၵေႃႉ​ဢၼ်​လီ​ၼၼ်ႉ​ၸိုင်၊ ၸၢင်ႈ​ဢဝ်​လွင်ႈ​တၢင်း​ဢၼ်​လီ​ၵႃႈ​ၼႂ်း​တိူၵ်ႈ​ၽၼ်ႇတႃႇ ႁူဝ်​ၸႂ်​ဢၼ်​လီ​မၼ်း​ၼၼ်ႉ ဢွၵ်ႇ​လႄႈ​ၼႄ​ပျႃး​ဢေႃႈ။ ၵေႃႉ​ဢၼ်​ႁၢႆႉ​ၼၼ်ႉ​ၸိုင် ၸၢင်ႈ​ဢဝ်​လွင်ႈ​ဢၼ်​ႁၢႆႉ​ၵႃႈ​ၼႂ်း​တိူၵ်ႈ​ၽၼ်ႇတႃႇ ႁူဝ်​ၸႂ်​ဢၼ်​ႁၢႆႉ​မၼ်း​ၼၼ်ႉ​ဢွၵ်ႇ​လႄႈ ၼႄ​ပျႃး​ဢေႃႈ။

ပိူဝ်ႈ​ၼႆ​လႄႈ ၵဝ်​ဝႃႈ​ၸမ်ႉ၊ ၵူၼ်း​တင်း​လၢႆ​ႁွတ်ႈ​ထိုင်​တၢင်း​ဢၼ်​ပွႆႇ​လွတ်ႈ​ဢပႅတ်ႈ​ဢၼ်​ၽိတ်း​ပိူင်ႈ ဢိၵ်ႇ​တင်း​ဢပႅတ်ႈ​ဢၼ်​သႄႉ​သွမ်း​ၽြႃး​ပဵၼ်​ၸဝ်ႈ ၵူႈ​ၸိူဝ်ႉ​ၵူႈ​ပိူင်​ၼၼ်ႉ​လႆႈ​ယူႇ​ဢေႃႈ။ ၵူၼ်း​တင်း​လၢႆ​ဢမ်ႇ​ႁွတ်ႈ​ထိုင်​တၢင်း​ဢၼ် ပွႆႇ​လွတ်ႈ​ဢပႅတ်ႈ​ဢၼ်​သႄႉ​သွမ်း​ဝီႉၺိၺ်ႇ​ၸဝ်ႈ​လႆႈ။

ႁႂ်ႈ​တူၼ်ႈ​ပဵၼ်​ဢၼ်​လီ​လႄႈ မၢၵ်ႇ​မၼ်း​ပဵၼ်​ဢၼ်​လီ​တႃႉ။ ဢမ်ႇ​ၼၼ် ႁႂ်ႈ​တူၼ်ႈ​ပဵၼ်​ဢၼ်​ဢမ်ႇ​လီ​လႄႈ မၢၵ်ႇ​မၼ်း​ပဵၼ်​ဢၼ်​ဢမ်ႇ​လီ​တႃႉ။ လွင်ႈ​မၼ်း​ၸမ်ႉ ၵွပ်ႈ​ပိူဝ်ႈ​မၢၵ်ႇ​လႄႈ ႁူႉ​လွင်ႈ​တူၼ်ႈ​ဢေႃႈ။