Populære bibelvers fra Maatiyoos 24

Del

Saloorkoy mɛyin joop sigɔ ɓɔɔkaaŋɔŋkuk agut ɓɔɔkaaka tikiyɛɛkoŋk. Ma iɗit sinɔkoy ɓaŋkaawur mɛlɛɛɗa pediyaak bɔdɛkoyŋ.

Waasɛɛkoy Pɛɛni sini Ɓɛlkɛɛstank burɛ Waakoyotoŋkuk ɗoo baŋɛ, kɛnɔkoy dakɛ a misikiri joopa ɗookoŋk baŋɛ, nɛkoy ɓaane saadi mɛlki pedtan nɛɛk.

Tiyɛɛrkoy koŋgoy kaarinoŋk a waasiyɛ kaarinoŋk, agut sinɔ dɛyɛɛɗ a gayɛr ola sigiŋɔŋk, nɛ kat ŋaatɛɛ. In ki gayɛ pedi nɛɛkɛk.

Ŋaararkoy joop joope raŋk a suumi suumii raŋk, nɛ kaarariŋ, lakɛkoy ŋaawu a yike ɗookoŋk nyonitaakɛ sigɔɔgɛ ɓɛɛlɛr kundiyaakɛk. Ege sini baŋɛ, rakatɛ tuktan nɛɛk sinɔ ito suusuwi amɗ ɓartɛɛtoŋk.

Ɗeyirkoy ɗook a dariŋ, mayakana Pɛɛni naak kikoy ɗeyi adaktan.

Mɛlɛrkikoy joop a ɓɔɔkaaŋ tiriyaakɛ gaanɛk kɛ, 'Eet Keresee,' nɛkoy arir joop a ɓɔɔkaaŋ a babadarŋ.

"Saakoyk gaɓɛrkoy kɔnu joop rakatɛya, ɓokootarkoy kɔnuŋ ɓooyurkoy kɔnu joop baŋɛ agut tiriya gaaŋk. Joop a ɓɔɔkaaŋ kaadɛrkoy ŋaadiyɛ gɛŋk gagaɓikoy ɛkanɛɛkɛ gɛŋk, kaararkoyŋ. Ŋaararkikoy joop pɛrkaakoŋk sigɔ nyonkaanakik a ɓɔɔkaaŋ, joop a ɓɔɔkaaŋ arɗikoy a tikiɗiikɛɛŋ.

Nɛɓa Yeese jumur sɛɛga kɛ, "In koorɛɛ ɛɛk kɛnɔ mokoy kɔnu iɗit omaay ari a badɛɛriŋ.

Agut sini in ɓɛlkuunɛɛ ragad ɛɛkoŋk. Mɛlkikoy Tɔn Etoŋk sayitii sinɔɔnɛkɔ kiir koɓiiɗik.

Agut sini "In koorɛɛ, agut sinɔ kirɗɔ ɗegerɔɔn ɓɛɛnyɔ sinɛkoy mɛlkiɗ Suumi noŋkuk.

"Kɛɛ iɗit sinɔkoy ɗeger ɓɛɛnyɔ sinɛkoyk a sayiti sinɛkoyk, kɛygun wosɛytaanak dariyoŋk kɛygun Tɔɔn nɛɛk ɗegeerakoy Ɛpɛn dakɛɗa.

Agut sinɔ ŋaararkikoy Kereseyak sigɔ nyonkaanakik a joop pɛrkaakoŋk sigɔ nyonkaanakik. Ɔkɔn gayɛ sɛɛgaŋ, arir a tikiɗi joop sigɛɓa daamɛɛkiŋ, ijaagir sɔɔriyɛ a ola sigɔ reemɗigeeɗ ɓayaayk sigɔ boobɛrŋɔŋk.

Oko sinɛɓa ɓɛɛlɛɛɗ eme Noohk, ɓɛɛlɛkoy ɓɔrɛ eme Tɔɔn Etoŋkuk oko sinɛk. Eme sinaanɛɓa yeeyeyoŋk ɔɗɔɔkɛ mɛlɛɛɗa ɗoŋika sigaagaɓa Nooh guugunyɗu emɗa sinɔɔna obiiŋɔŋkuk, joop ɗamiiɓa ɛ utiɗi, boboŋiɓa ɛ wawawar. Kirɓa ɗegerɔɔn kɛ ɓɛɛlɛkɔɔ ɛk nɔ mɛlɛɛɗa nɔɓa sɛɛg gaalirɗi nɔɓa sɛɛg diilerɗik baŋɛk, ɓɛɛlɛkoy ɓɔrɛ mɛlɛ Tɔɔn Etoŋkuk oko sinɛk.