Populære bibelvers fra ሮሜ 1

Del

ታ̈ኒ ዎጛላ ቃ̈ላ ሶ̈ላንዳብ ዬ̈ልቃባሴ፤ ኣባ ጌይን ዎጛላ ቃ̈ላ̈ዲ ቲ̈ን ኣይሁዳንቦ ኢናፖ ኣይሁድ ባዮ̇ ኣሳንቦ፥ ኣማ̇ኒዝ ኣሳን ዎይ ፋንዳብ ዳንዳኢዝ ጾ̈ሳ̇̇ ዎልቃ።

“ጺላ̇ ኣሲ ሼምፓ ዲጚ̈ዛ̈ዲ ኣማ̇ናባራ” ጌዪ ጻ̈ፊንቲ̇ኖንዲፌ̈ኒ ዎጛላ ጋልዳ ጾ̈ሳ̇̈ዲ ኣስ ዎዛርታር ጺላ ማሂ̈ርኮ ኤሪንቲ̇ኔ፤ ዪ̈ዳሬ ኣሲ ጺሊ̇ዛ̈ዲ ሜላ ባዚ ኢና ጌላካ̇ይዶን ኣማ̇ናባር ሙታ̇።

ሳ̈ዚን ኮቺንቲ̇ኖምፖ ኤ̈̇ሪ ጾ̈ሳ̇̇̈ኮ ኣሳብ ቤንቲ̇ባ̈ሶ ሜናብ ዶኢዝ ዎልቃ̈ዲኬ ኢ ጾ̈ሲቲ̈ዲ ኢ ኮቺ̇ኖ ኮቺንታን ጎይባራ ፋላ̇ ጋልዳ ቤንቲ̇ኖኮታ̇ቦ ኣሳን ፌ ኢ̈ሲዝ ባዛንቦ “ታ ዓና̇ ኤራካ̇ይዶር ኦኔ” ጋ̈ንዳብ ዳንዳኢባ̈ሴ።

ኢንቲ̇ ኢ ጾ̈ስ ማ̈ቂ̇ኖን ኤሪሙታዶ̈ሪ ኢ ጾ̈ሲቲንዲፌ̈ኒ ኢ̈ቦ ቦንችኬ ጋላታኬ ኢማካ̇ዬ፤ ኢንታ ቆፋዲ ሜላ̇ ማ̈ዲባ̈ሶ ቆፊ ማ̈ቂ̇ዴ፥ ቆፒባ̈ሶ ኢንታ ቡ̈ዳ̈ዳሬ ዉርሲ ሚ̇ኔ።

ዪ̈ ማ̈ቂ̇ኖ̈ዲ ጾ̈ሳ̇̇ ኪንቲን ኣሻ̇ሪ ማቃ ማ̈ቂ̇ኖ ባዝ ኣማ̇ኒኖኮታ̇ቦ፤ ኮቺኖ ጾ̈ሳ̇̇ ኣሻ̇ሪ ኮቺንቲ̇̇ኖ ባዛንቦ ጎሽቲ ኢንታ̇ብ ዎ̈ሲንቲ̇ኖኮታ̇ቦ፤ ዎቲናካሬ ጾ̈ሳ̇̇̈ዲ ሜናብ ጋላቲንቲ̇ኖ̈ዳ፤ ኣሚንኤ!

ፌ ኢቲቲንባራ ኪንን ኤሪንታካይፌ̈ኒ ዎቲዝ ኣሳን ጋልዳ ኢንታ ዉጪንኮታ̇ብኬ ኢንታ ኢ̈ቲቲንጊሻ̇ቦ ጾሳ ጎይላ̈ዲ ኣፋፖ ኢንታ ጋልዳ ዬይሬ።

ዪኒ̇ጊሻቦ ጾ̈ሲ̇ ኢንታ̇ ማ̈ዲባ̈ሶ ዬልቂዝ ኢና̇ቦ ኣ̈ ኢሚ̇ዴ፤ ኢንታ ማጫ̇ን ጾሲ̇ ኢንታ̇ብ ኢሚ̇ኖ ዎጊን፥ ማጮ ኣቲናባር ሱርቃ̇ዚን ኣሻ̇ሪ ማጮ̇ ማጫ̇ባር ሱርቂ̇ዴ። ዪና̇ ኢዝፌ̈ኒ ኣቲናንሬ ማጫ̇ባር ሱርቃዚን ኣሻሪ ኣቲናባራ ሱርቃ̇ንዳብ ኢኒ̇ቲ̈ዴ። ኣቲኖ ኣቲናባራ ሱርቂ̇ዴ፤ ኢንቲ̇ ዪኖ̇ ኦኖ ኢ̈ታ ኦሲምቦ̇ ፌ̈ብ ኮሻ̇ዝ ጎይሊን ፌ̈ብ ኤኪ̇̈ኔ። ኣሳን ጾ̈ሳ̇̇ ኤራንዳ̇ቦ ኮያካ̇ዮኮታ̇ቦ ኢንቲ̇ ፋባ̈ሶ ላ̈ፋ ባዝ ኦ̈ሳምፔ̈ኒ ላ̈ፋ ቆፋቦ ኢንታ̇ ኣ̈ ኢሚ̇ዴ።

ኢንቲ̇ ፌ̈ና “ኑ̈ኒ ኤራ” ጋ̈ዚምባራ ዳሻ ማ̈ቃ̇ር ቤንቲ̇ዴ። ሜናብ ዶኢዝ ጾ̈ሳ̇̇ ቦንቻ̇ዚን ኣሻ̇ሪ ዓይቃ̇ር ዪዝ ኣሳቦ፣ ካፊቦ፣ ሜሃቦ፣ ሳ̈ዝ ጋልዳ ፌ ሚልባር ዬዝ ማታባዛን ማይጺሳር ኮቺንቲኖ ዪን ሚሲላንቦ ቦንች ኢሚ̇ዴ።