Populære bibelvers fra ruma 4

Del

yumn rbbi bla‑akkʷ iškka ġ‑wawal lli‑s‑as‑inna. izayd idus ġ‑liman‑ns ar‑italġ rbbi, yissan bahra is‑iẓḍar rbbi a‑ikmml maylli‑s‑as‑inna s‑wawal izgan.

ġmklli ityaran: «giġ‑k d‑babatsn n‑ayt‑tmizar ggutnin.» ġmkad a‑s‑iga ibrahim babatnnġ dar rbbi lli‑s‑yumn, a‑t‑igan d‑walli issddrn ġwilli mmutnin, ar‑itamr ma‑ur‑illin a‑yili s‑illa.

idḥi‑t a‑immt f‑ssibt n‑ddnub‑nnġ, issnkr‑t‑id a‑iskr sslamt ġ‑gratnnġ dids.

imma ibrahim, wah̬h̬a ur‑ta‑yas‑illi yat ġ‑maylli itrju, izuyd ar‑sul‑itrju s‑liman iggutn aylliġ‑nnit iwrri iga «babatsn n‑ayt‑tmizar ggutnin.» inna‑yas rbbi: «ġunškad a‑rad‑gn tarwa‑nnk.»

imma ġwilli umnnin, ntni a‑ra‑yamẓ kullu mayad. ntni a‑mi‑ra‑issafu rbbi awal‑ns, baš a‑yakka lbaraka‑ns i‑kullu winna ganin tarwa n‑ibrahim, urd ġir i‑willi skarnin s‑ššrɛ, walaynni ra‑stt‑yakka i‑willi umnnin ġmklli yumn ibrahim. ašku ibrahim iwrri iga babatnnġ kullwaġ

yini: «imbarkin ad‑gan winna mi iṣamḥ rbbi f‑ddnub‑nsn, issitti fllasn ġaylli‑tn‑iššḥššamn. ambarki a‑iga wanna mi ur‑iḥasb rbbi lmɛṣiyat‑ns.»

ityara ġ‑warra n‑rbbi: «ibrahim yumn rbbi, mayan a‑f‑t‑iga rbbi d‑wad‑f‑irḍa.»