Populære bibelvers fra ruma 2

Del

imma kiyi a‑bnadm, is‑tġalt is‑ra‑tnjmt zġ‑lḥukm n‑rbbi? ar‑tḥkamt f‑willi skarnin ġmkan, walaynni ar‑tskart ġmkan ula kiyi. is‑a‑ttinit d‑ih̬f‑nnk «rbbi ur‑ra‑flla‑iḥkam ašku tggut dars lḥnant d‑umhal d‑ṣṣbr»? walaynni is‑ur‑tssint rbbi ar‑sul‑gik‑itḥnnu ašku ira gik a‑tflt kullu ma‑yʷh̬šnn twrrit s‑uġaras‑ns?

imma kiyi a‑bnadm, ur‑dark ma‑ttinit. ašku iġ‑a‑tḥkamt f‑mddn yaḍni, hatin tḥkamt ula f‑ih̬f‑nnk, ašku kiyi lli‑itḥkamn, ar‑tskart zund ntni.

ašku rbbi ur‑a‑iskar s‑uwdmawn.

ašku rbbi ur‑a‑itrḍu f‑willi ġir sflidnin i‑ššrɛ, walaynni f‑willi skarnin s‑ššrɛ.

ašku rbbi ra‑irar i‑kraygatt yan f‑ma‑iskr.

imma wiyyaḍ ar‑tmmaġn ġir f‑ih̬f‑nsn, ar‑skarn s‑kullu ma‑yʷh̬šnn, agʷin ad‑skarn s‑lḥqq. ntni ra‑fllasn‑yut rbbi lɛqubit s‑lġaḍab itjhhdn.

imma kiyi iqqur‑uwl‑nnk ur‑trit a‑di‑twrrit. hati ar‑tssigatt f‑ih̬f‑nnk lɛqubit lli‑ra‑fllak‑iḍr ġ‑wass lli‑ġ‑ra‑yut rbbi lḥukm s‑lḥqq iml mnšk a‑bahra‑ikurha lh̬ʷšant.