Populære bibelvers fra ruma 12

Del

a‑ur‑tskarm zund mddn n‑ddunit‑ad, walaynni adjat rbbi a‑kʷn‑irar a‑tgm ljdid, ibddl kullu tinbaḍin l‑lɛaql‑nnun. ġmkan a‑s‑ra‑tissanm ma‑gigun‑ittiri rbbi ifulki irḍu srs yuf kullu kra illan.

mayad a‑f‑ra‑kʷn‑ḍalbġ ay‑aytma, f‑ssibt n‑rrḥmt n‑rbbi lli‑iggutn, ad‑as‑tfkm ih̬f‑nnun zund tiġrsi iddrn iẓlin lli‑s‑ra‑irḍu, ašku ġmkan a‑s‑kʷn‑d‑iqqan a‑ti‑ttɛbadm.

frḥat ġ‑rrja, tṣbrm ġ‑trfufnt, tzaydm ġ‑tẓulla.

a‑ur‑tadjm lh̬ʷšant a‑kʷn‑tnru, walaynni tnrwat lh̬ʷšant s‑ufulki.

tḥubbwat i‑ngratun ġmklli tmḥubbun aytmatn, ar‑ittiri kraygatt yan a‑yuqqr wayyaḍ uggʷar n‑ih̬f‑ns.

tḥnnwat ġ‑ingratun s‑nniyt iṣfan, ar‑ttkrhum aynna yʷh̬šnn, ar‑ttamẓm ġ‑aynna ifulkin.

gat‑n tiqqi‑nnun a‑tskarm kullu ma‑mi‑tẓḍarm a‑bdda‑tili sslamt ġ‑gratun d‑kullu mddn.

way‑aytma ɛzzanin, a‑ur‑trarm i‑yan f‑ma‑iskr yʷh̬šnn, walaynni adjat rbbi a‑fllas‑iḥkam. ašku ityara: «ġmkad a‑s‑inna sidi rbbi, nkki a‑ra‑irar i‑mddn f‑mad‑skrn, fkġ‑asn mad‑asn‑igan.»

h̬dmat i‑siditnnġ s‑zzɛamt n‑rruḥ itjhhdn bla‑da‑ttrmaym.

rbbi ad‑iyi‑ifkan lbaraka‑yad aylliġ ẓḍarġ ad‑iniġ i‑kraygatt yan gigun: a‑ur‑tġalt d‑ih̬f‑nnk is‑tgit uggʷar n‑ma‑tgit walaynni swingim s‑lmɛqul, kraygatt yan d‑unšk nna‑yas‑ifka rbbi liman.

iġ‑illa mad‑awn‑iskrn ma‑yʷh̬šnn ad‑as‑t‑ur‑trarm s‑lh̬ʷšant, walaynni tawiyat‑stt ġ‑ih̬f‑nnun a‑tskarm ma‑f‑rad‑akkan kullu mddn tugga n‑is‑ifulki.

tmšaškad‑d‑bdda i‑ngratun. a‑ur‑tswingimm ġ‑ma‑ikkan nnigatun walaynni tmunwat d‑ma‑ikkan ddawatun. a‑ur‑tgm ih̬f‑nnun d‑wid ssnnin kullu ma‑illan.

imma kiyi, skr ġmklli ityaran: «iġ‑tẓrit anuwwaš‑nnk inġa‑t laẓ, tfkt‑as a‑išš, nġ‑t‑inġa irifi, tfkt‑as a‑isu. ġmkad a‑s‑rad‑as‑tssgudit tirgišin f‑ih̬f‑ns.»

ḍalbat rbbi a‑ibark winna‑kʷn‑ssrfufnnin. a‑ur‑ti‑ttḍalabm a‑tn‑ih̬zu walaynni a‑tn‑ibark. frḥat d‑wanna ifrḥn, ar‑tallam d‑wanna yallan.

akkayat i‑imẓlayn nna‑iḥtajjan ar‑tssmrḥbam s‑willi tmuddunin.

ašku ddat n‑bnadm, ggutn gis igzman, kraygatt agzzum ar‑iskar ma‑t‑id‑iqqann. ula nkkʷni nggut. zund ddat a‑nga, ašku kullwaġ nga win lmasiḥ, ng zund igzman n‑ddat‑ns.