Populære bibelvers fra irqqasn 2

Del

isawl bṭrus yini‑asn: «flat kullu ma‑tskarm yʷh̬šn, iddm kud yan gigun ġ‑waman s‑ism n‑yasuɛ lmasiḥ, ad‑awn‑iṣamḥ rbbi f‑ddnub‑nnun ifk‑awn lbaraka n‑rruḥ lqudus.

ar‑kullu‑tlhun s‑ulmmud n‑irqqasn ula tamunt n‑ingratsn ar‑tbbin aġrum ar‑tẓallan i‑rbbi.

ɛmmrn kullu s‑rruḥ lqudus, bdun ar‑sawaln s‑iwaliwn iġribn ġmklli‑asn‑tn‑ifka rruḥ lqudus.

sfldn ilmma i‑yat tijjijt tuška‑d zġ‑ignwan tɛmmr tigmmi lli‑ġ‑gawrn zund aḍu itjhhdn. ẓrn kra irwas timzliwin l‑lɛafit, bḍunt tettrs yat f‑kraygatt yan gisn. ɛmmrn kullu s‑rruḥ lqudus, bdun ar‑sawaln s‑iwaliwn iġribn ġmklli‑asn‑tn‑ifka rruḥ lqudus.

ass f‑wass ar‑tmunun kullutn ġ‑tgmmi n‑rbbi, ar‑tbbin aġrum ġ‑tgʷmma‑nsn ar‑šttan i‑ngratsn s‑nniyt d‑lfrḥ iggutn, ar‑talġn rbbi. imma ayt‑tmdint ar‑kullu‑fllasn‑ttinin is‑bahra‑fulkin. kraygatt ass ar‑asn‑itzayad siditnnġ ġwilli njmnin.

‹ġ‑uwssan ggʷranin ra‑n‑zzugzġ rruḥ‑inu f‑kullu mddn. rad‑sawaln tarwa‑nnun d‑istitun s‑iwaliwn lli‑rad‑asn‑akkaġ. rad‑tisfiwn iɛyyaln‑nnun mad‑asn‑malaġ. rad‑twargan ifqqirn‑nnun s‑mad‑asn‑ssbayyanġ.

imma ġwilli umnnin s‑yasuɛ ar‑kullu‑tmunun ar‑akkan i‑ngratsn. ar‑zznzan ayda‑nsn d‑tġawsiwin lli‑ṭṭafn, ar‑t‑aṭṭun f‑willi gisn ḥtajjanin, kud yan d‑unšk lli‑f‑ilkm.

d‑kullu wanna izawgn ġ‑ism‑ns, ra‑injm.›

ra‑tllas tafukt iẓggʷaġ‑wayyur zund idammn, iruḥ‑d‑ilmma‑wass ihiyyan lli‑ġ‑ra‑d‑yašk sidis n‑bnadm s‑lmjd iggutn.