Populære bibelvers fra 2 kurintus 1

Del

ar‑bahra‑ntalġ rbbi babas n‑siditnnġ yasuɛ lmasiḥ, iga babatnnġ iḥnnan lli‑bdda‑issfjjijn ul‑nnġ. ar‑aġ‑itɛawan ġ‑kullu tanukmut lli‑fllannġ‑izrayn, baš a‑niẓḍar a‑ntɛawan wiyyaḍ ġ‑tnukmut nna‑ġ‑llan, s‑lmɛawnt lli‑s‑aġ‑itɛawan rbbi.

unšk lli‑bahra‑nkkat tammara f‑ism l‑lmasiḥ, a‑yaġ‑bahra‑issfjjij rbbi ġ‑tamunt l‑lmasiḥ.

nini lmut ayd‑aġ‑d‑iqqann. walaynni yudja‑yaġ rbbi a‑nzzri tanukmut‑an baš a‑ur‑yili rrja‑nnġ ġ‑ih̬f‑nnġ walaynni ġ‑rbbi lli‑issnkarn ġwilli mmutnin.

hati rbbi ad‑aġ‑izzgan nkkʷni didun ġ‑tamunt l‑lmasiḥ, iẓli‑aġ kullu, iml‑aġ is‑nga wins, ig rruḥ‑ns ġ‑uwl‑nnġ baš a‑ig tamatart n‑is‑ra‑issafu kullu maylli‑s‑aġ‑inna.

f‑ssibt‑nnun a‑f‑a‑nzray ġ‑tnukmut‑ad baš a‑ttfjjijm tnjmm, d‑ssibt‑nnun a‑f‑a‑ntfjjij baš ad‑daġ‑ttfjjijm tdusm a‑tṣbrm i‑tmmara zund tammara‑yad ġ‑nlla nkkʷni.