Populære bibelvers fra Marcos 6

Del

Jesúsbara mawũãsia: Zeudua, dazhirã bitabai miõ ne ẽãĩnu wãnaña, mobe wĩka ẽnaʉ̃ kꞌobꞌeaudua. Mawũã jarasia zhãrã bio zepe wãpe nʉmʉba, maʉ̃ba ãzhira miã ewari ne ẽbasia nekꞌoisidꞌa.

Mawũẽ Jesúsbara mawũãsia: Daizezeba bedꞌeata jarabibarira baridu maẽ wawiabada, awuarabʉrʉ wawiadꞌa ẽã izhi druadꞌebʉrʉ, zhi mebẽrãne edꞌabʉrʉ, izhi dedꞌabʉrʉ.

Jesús jãbadꞌeba udꞌubꞌaebʉrʉdꞌe kꞌabanata ũdui ãzhira sozuburiasia ovejarã kĩrãkꞌa bꞌeba ãzhi akʉbari ne ẽã, mawũẽ ũrãgꞌakuasia ne bio jara.

Mamarã ũdudꞌakꞌara o ẽbasia, awuarabʉrʉ kꞌayarãtrʉ ʉ̃kʉrʉ bꞌebikuasia juwua ãzhi ʉ̃rʉ̃ bꞌʉkua. Kꞌawua ẽã krĩcha bꞌesia izhidꞌebema ĩjãna ẽãba izhi ʉreta bꞌebara. Jesús pʉrrʉasia pʉwʉrʉ zake arakꞌaita tabꞌe maẽ miã ũrãgꞌa.

Mobebʉrʉ jiraedasia pan juesomata bꞌeda ũmeta, mobe ʉ̃taa akʉ zhiwidꞌipe pan bꞌʉekuape izha jʉrʉkuadꞌaa diasia jedꞌekadꞌamarẽã. Bꞌeda ũmesidꞌa ãzhi jõmaʉ̃ĩta ãzhiza bꞌʉekuasia jedꞌekadꞌamarẽã. Aramaʉ̃ne jõma adꞌuba nekꞌosidꞌa. Pan zhi bꞌʉgʉzoamata bꞌeda adꞌubadꞌapeadꞌata jʉrepesidꞌa jamara doce bira.