Populære bibelvers fra Lucas 1

Del

Kꞌãrẽ obꞌe ẽãrã ne ẽã Daizezeitara.

Mawũãĩ Maríabara mawũãsia: Mʉrã nezokꞌa Daizezedꞌea, mʉrã izhikꞌawua mawũã oya bʉa jarabʉrʉ kĩrãkꞌa. Mobebʉrʉ ángel wãsia izhi maẽbara.

Mawũãĩ ángelbara panaʉ̃ mawũãsia: Jawurebiata bʉ ʉ̃rʉ̃ zebʉrʉba bʉra Ʉ̃trebema zareaba ãnabꞌariya, aramaʉ̃ne wũãwũã toira Daizezedꞌeba Daizeze Warra adꞌaya.

Sobiarua bʉara ĩjãbʉrʉba izha jaradꞌara aribꞌaeita Daizezebara.

Kꞌõbebʉrʉ bʉra bꞌiogꞌoape zhũmakĩrãta toya. Maʉ̃ bʉara trʉ̃ga bꞌʉdua Jesústa. Izhira zhi zroma baya, izhira Ʉ̃trebema Warra adꞌaya. Daizezebara Reyta bꞌʉya David bꞌadꞌa kĩrãkꞌa, zõrã izhi uruta bꞌadꞌa kĩrãkꞌa. Jacobodꞌeba uruta bꞌe ʉ̃rʉ̃ jipa Reyta bꞌaya, mawũẽ izhita Reyta bꞌʉra jõ ẽbaya.

Mawũẽ ángelbara mawũãsia: María perarãrũã, bʉra Daizezeba bia edabʉrʉa.