Populære bibelvers fra 1. Mose 18

Del

Dell tchi, hoi o baro Dewel gar haiwella. Wawar bersh an kau tsiro, wau me pale pash tute. Koi hi lat i tchawo.”

Koi sanas joi peske un penas: “Kanna hom me phuro. Un miro rai, miro rom, hi ninna phuro! Har nai lau me i ternepen?”

Me dom les miro lab: Job well o dad jaake bud menshendar, te well lendar i bari un soreli natsjona. Un koi bacht, hoi dau leste, djal dureder ap i tsele natsjone, kai ap i phub hi.

Un o Abraham djas pash leste un penas: “Kameh tu tchatchepah lauteren temerl dell, kolen, kai kek tchilatchepen kran – khetne kolentsa, kai tchilatcho hi? Te hi an ko foro 50 (paash-sheel) menshe, kai krenn, hoi mishto un tchatcho hi, kameh tu kolen ninna te marell? Te hatseh kote 50 (paash-sheel) menshen, kai kek tchilatchepen kran, de o fores kek phagi!

Koi penas o baro Dewel: “Te hatsau me 50 (paash-sheel) menshen an o foro Sodom, kai krenna, hoi mishto un tchatcho hi, dau o tselo fores kek phagi.”