Populære bibelvers fra Kor1 15

Del

A bɛ́ miɛ̃, ma dɔɔ̃nɔn lɛn, ka n doa sɔnbɔraanɛ, màn kɔ́n ná a boe la, a bìn da ka ganaa wa. Ka toa ka wo nyɛɛnɛ biikoo tumaa li, Dɛnaa a dí-nyɛɛ gɔ́ɔ̃ nɛ, a giala, ka á doɛ̃, mà ka bɛ́ dí mɛn nyɛɛ kun ka Dɛnaa nɛ, mà bɛa kooro lɛa wa.

Sɛnɛ, barka tá Lawa ganaa, asɛ mɛn bɛ́ á gɔ̀lɔ̀baa kɔ wɔ la wɔa Dɛnaa Yezu Krita pàã ganaa.

Ka nyan ka dinin yiri sã wa: «Koa-kun wole baraan man giã ǹ gɔn sonbore ziziɛ̃.»

Sɛnɛ, ma bɛ́ màn mɛn lɛa kanna, man bɛ lɛa Lawa a bǐɛ̃baa pàã ganaa. A bǐɛ̃ mɛn baa ma la, bɛ goã kooro wa. A giala dinin, mà má dí nya má la dia dí-a wole gialakunun kɛn lɛn tumaa nɛ. A taãnbaa li, Lawa a bǐɛ̃ mɛn bɛ́ kun ma nɛ, bɛ pàã nɛ, ma din wɔ bie wa.

«Gɛ̀ nɛɛ! N gɔ̀lɔ̀baa lɛ á maa? Gɛ̀ nɛɛ! N minin ziziɛ̃ ǹ pàã lɛ á maa?» Gɛ̀ a minin ziziɛ̃ ǹ pàã n boe sii baraa nɛ, sii baraa dɔ pàã n boe dí-pɛ nɛ.

Man die sii-durii kɔ́n nyɛɛ ka nɛ: wɔ tumaa bie re giɛ̃ wa, sɛnɛ, maǹ die wɔ tumaa bɔyɛɛ. Bǎã goon ne, yii buĩ laanka a tiɛ̃ gɔ́ɔ̃ nɛ, bɛ̀ ǹ nə́ bɛn giala-nyɔmɔɔ pɛ. A giala, mà bɛn lɛ á re n pii, geren yii á re kiɛ, ǹ nyin nyabaã yɛ, ǹ tɔn wɔsɛn yiikoonaan bɔyaa.

A giala sonbore, min goon na á toa gɛ̀ daa. A din yii goon ne, min goon dɔ n die toɛ geren yii-kaa dɔ daa. Min tumaa bɛ́ giɛ̃ a Aadã tɔrɔbaa a lɛa lɔn, min tumaa dɔ yii n die kiɛ, a tá kun ka Krita-n a lɛa.

Sonbore, màn mɛn bɛ́ boɛ̃, bɛ doamaa nɛ a bɔɔ̃baã wole baa. Màn mɛn dɔ bɛ́ giɛ̃, bɛ dɔ doamaa nɛ a nyin nyabaã yɛ.

A giala, a n kɔnboe Krita goã kii lɛa, yǎa Lawa boe a zɔ́ɔn tumaa la, a ǹ kiɛ a gòãn giulun. A bɛ́ re a zɔ́ɔ mɛn ziziɛ̃ nyɔnyɔɔ, bɛ n ka gɛ̀ nɛ.