Populære bibelvers fra MATIYO 24

Del

Kojugu bɛna fanga sɔrɔ fɔɔ mɔgɔ caaman tɛna Ala, n'u tɔnyɔgɔnw kanu tugu. Nga ni mɔgɔ min munyuna fɔɔ ka se a laban ma, o tigi bɛna kisi.

Ala ka kibaru diman bɛna fɔ dinyɛ yɔrɔ bɛɛ la, waasa dinyɛ mɔgɔw bɛɛ k'a koo mɛn. O kɔ, dinyɛ laban bɛ sɔrɔ ka se.

Aw bɛna yɔrɔjan kɛlɛw kibaru mɛn, ani ka yɔrɔsurun kɛlɛw mankan mɛn. O kana aw hakili nyagami. Wajibi lo o koow ka kɛ, nga o tɛ dinyɛ laban ye.

Siya dɔ bɛna wili siya wɛrɛ kama. Jamana dɔ bɛna wili jamana wɛrɛ kama. Kɔngɔ bɛna don yɔrɔ dɔw la, dugukolo bɛna yɛrɛyɛrɛ yɔrɔ dɔw la fana. O koow bɛɛ bɛna kɛ tɔɔrɔw daminɛ ye, i n'a fɔ muso ka tiin daminɛ.

Sankolo ni dugukolo bɛna wili ka bɔ u nɔɔ na, nga ne ka kuma tɛna bɔ a nɔɔ na abada.

Bari, mɔgɔ caaman bɛna na ne tɔgɔ la u yɛrɛ kan k'a fɔ k'olu ye Ala ka Mɔgɔwolomanin nin ye. O cogo la, u bɛna mɔgɔ caaman lafili.

Mɔgɔw bɛna aw don mɔgɔjuguw bolo waasa k'aw tɔɔrɔ, u bɛna aw faga, Alalɔnbaliw bɛna aw kɔniya ne kɔsɔn. O waati la, mɔgɔ caaman bɛna Alasira bila, u bɛna nyɔgɔn janfa ka nyɔgɔn kɔniya. Mɔgɔ caaman bɛna wili ka galon tigɛ k'olu ye kiraw ye, u bɛna mɔgɔ caaman lafili.

Yezu y'u jaabi ko: “Aw k'aw yɛrɛ kɔlɔsi janko mɔgɔ si kana aw lafili.

O kɔsɔn, aw labɛnnin ka kan ka to tuma bɛɛ, bari aw tɛ miiri waati min koo la, o waati la Mɔgɔ Dencɛ bɛna na.

O la, aw labɛnnin ka to tuma bɛɛ la, bari aw t'aw ka Matigi nalon lɔn.

“Mɔgɔ si tɛ ne nalon, n'a waati lɔn, hali mɛlɛkɛw t'a loon lɔn, ne min ye Ala Dencɛ ye, ne yɛrɛ fana t'a lɔn, fɔɔ n Faa Ala, a kelenpe.

bari mɔgɔ dɔw bɛna galon tigɛ, k'olu ye Ala ka Mɔgɔwolomanin nin ye. Dɔw fana bɛn'a fɔ k'olu ye kira ye. U bɛna kabakobaw kɛ ka mɔgɔw lafili n'o ye. Ala ye mɔgɔ minw woloma k'u kɛ a yɛrɛ taw ye, n'u tun bɛ se, u tun bɛna olu fana lafili.

Koo min tun kɛra Nuhun ka tile la, o nyɔgɔn le bɛna kɛ fana Mɔgɔ Dencɛ nawaati la. Bari sanni jiba ka na, mɔgɔw tun bɛ dumunibabaw kɛ ka minni kɛ, ani ka furu kɛ fɔɔ ka taa se Nuhun donlon ma kurunba kɔnɔ. O tun tɛ miiri foyi la, fɔɔ jiba nana u halaki. O cogo la, Mɔgɔ Dencɛ ka nako bɛna kɛ ten fana.