Populære bibelvers fra Usukuyony 6

Del

Naasa shalollya frasi ifwani ifu, na yeto aisaamyi mmbo avangwaa Ufu, na kwa Vafu, keenda nawe. Nawo vakaniingwa ushilyi uwe ya kyenga kya kaana kya uruka, vawaa na usu na shaa na ndwari shiroo na mafisi a uruka.

Shalollya frasi shaa, na yeto aisaamyi etiri ura, kaniingyo ureto nawe kauka-u, evingaa naambo navinge lyingyi.

Kyeeri aleporommwa muuri ulya wa karaanu, shalollya yoo kwasi ya kitara kyeerasya mimuyo ya valya valenshishwa kimaruma kya irero lya Iruva, na kimaruma kya ukureekyi lwawo.

Vakafua na unyanga waasha vakaamba, Woi Nndumi Mweele, muni Dede, mmbo kufikaa indii kulashuutaa uvingo, nta iniinga samu teru usumanu kya yewo vakee ulaniny? Wo umwi waawo kaniingyo soori shaasha, shaa vakavio vengere ifura-se ando a kirambo, kutani yeekena lya veakana nawo na vanavamaye vawo lyafikya, mmbo yewo vashemamitwaa ando amwi nawo.

Ikasomuka-fo frasi ingyi, idodorye nnu, na yeto aisaamyi kawonisa mwaanya wa yuuta urilalyi urukeny, naambo vandu vakuwaa veni na veni, nawe kaniingyo usu uniini.

Mashika nkonu yeto nniini, urye unyafi lwawo wansha, a mmbi yeto ashenkyaa?

Na yeny shalollya kyeeri aleporommwa muuri wa karindaru, kukasha kidinasi kiniini, nkyeere ukafwana muu sha fii shuu, mwiiri nato ukava sha samu. Nyinyiri tikaangara sheelyi mkuu utulaa mapora a vayo kyeeri wavivitwa ni uraato lwa finya.

Llya aleporomwa muuri wa kararu, sheeta ulya atiri muu wa kararu eshambaa, Osho! Naasa shalollya frasi shuu, na yeto aisaamyi erye mesa a yeesa wokony lwakwe. Sheeta unyanga lwava sheelyi lukee yuuka nnang'ani ya yewo vatiri muu vaana, lwiishaambaa, Kibakuri kya nganu nshilingyi, na fibakuri fya nganu shuu ni shilingyi, nta kulalyamare mafura na mfinyo-fo.

Iruveeu kukakweete sheelyi nndu alema karatasi, na wo ifumbu na kyuuruka fikasamiswa ando a vayo. Na vamangyi va ulana, na vaniini, vaniini va fira, na masimba, na vaafinya, na wo ishinga, na yewo valeke, vakoovya mbangeny na ifo si ya mawe a mafumbu