Populære bibelvers fra Usukuyony 13

Del

Yoo ng'u ntambo ukai. Yeto atiri urango, naruuye yeekena lya ifisi elyo, mashika ni yeekena lya kivandu. Na yeekena lya vayo ni 666.

Na vandu woose va uruka mmbo vashelyifiryaa ndi, yeto moose irina lyakwe lyilakee ireiye efo kitabuny kya muu kya Ngurana ya Iruva, ulya aleshishwa uka llya ulana luleumbwa.

Nalyo lyivavasye woose vavikwa wende vadu na vaniini; masimba na vakiva, valeke na mashinga, vavikwa wende yoo wokony usha ao yoo fisanguny fyawo. Naambo nndu moose nalaidimi ikumba ao yuura, kuuta ulya atiri wende yelo, llyo irina lya ifisi llya ao yeekena lya irina lya vayo.

Nndu mwitirwa mfingwa, nkuti ashetirwaa mfingwa. Nndu mwiwawa na usu nkuti ashewawaa na usu. Yaa ng'u usisiryo lwa veele lukai.

Naasa numa ya vayo shalollya ifisi lyikeyuuka efo yeeveny lyitiri mbembe ikumi na mirwe mfungare, na uwe ya mbembe eto ni ngyureto ikumi na efo mirweny yeyo ni marina a vearara.

Lyingyi lyikaniingwa mwaanya wa ikapa fira na veele naambo vavavinge, lyikaniingwa wiidimi uwe ya wo vandu na kishomu na mmba na isanga lya vandu.

Nalyo lyikareta valya vakee ulaniny, kyeendwa ni ngyende tilya lyileniingwa wiidimi lwa itoora mbee ya ifisi llya, vakavia valya vakee urukeny vasongosye ifwanu lya ifisi llya lyetiri itiinga lya usu lyo lyikakaa na muu. Lyikaniingwa wiidimi lwa ivika ifwanu llya mumuyo, kutani ifwanu yelyo lyarera, na yeengye yewo woose valashiindyaa ifwanu yelyo vawaawa.

Na ifisi llya shilelollya mmbo lyevakye nyamandu, na marende a vayo akavaka a ngare, na kana ka vayo sha ka miiso; shoka yeyo ikaniingya ifisi elyo finya ya vayo na kitima kya vayo kya ushilyi na wiidimi uniini.

Nalyo lyikaniingwa wiidimi lwerera marero maniini a fyaararo. Lyikaniingwa na wiidimi lweerunda ando a miiri 42.

Llya shilelola nrwe wa vayo umwi ukava sheelyi utiri itiinga lya ufu, na ngapo ya vayo ya ufu ikashia. Ulana loose lukaawukwa kimaruma kya ifisi elyo.

Numa shalollya-se ifisi lyingyi, lyisamaa lyuuka ulaniny, nalyo mmbo lyetiri mbembe ivii tivakye Ngurana ya Iruva, lyikarera sha shoka. Nalyo mmbo lyirye wiidimi loose lwa ifisi llya lya mbee. Nalyo mmbo lyikeallwa ulana na woose veefo vafiirye ifisi lya mbee ndi, llya itiinga lya vayo lya ufu lyileshia.