Populære bibelvers fra 2 Vakorinto 4

Del

Naambo lure lulalole nnu yefi filollyo ulaalu, llulle efyo filalollyo. Mashika efi filollyo ulaalu nfya kirambo-da, lyo yefyo filalollyo nfya llung'anu.

Kweekyoony llusheelelekaa-fo, na kikava unndu lweru lwa kyipoo lukeekwa. Lyo unndu lweru yelo lwa efo nnang'ani mmbo lukevikwa wiiya nkonu simu. Mashika ngatara yeeru nshaang'u ikaveva ya kirambo kyaangu da, nayo mmbo yalweengye itumbe llya lya llung'anu lyiilannyi nnu.

Mmbo luringityo nngatara, lyo lulafotwa, lukatirwa nnyinyira, lyo lulaute pa. Lukasutwa lyo llukeerewa-fo, lukafwalywa si, llyo llukeemamitwa-fo.

Lyo mmbo lutiri umasi yelu fiiyeny fya uteeri naambo usuri yelo uniini luve lwa Iruva, lulaukye kweru.

yewo iruva lya ulana yelu lyilesingira makusaro awo, kimmba valairikye, na sa ya nrumi ya nsia ya Kristo yeto akee kyaaso kya Iruva ikara ilavafumya.

Mashika kimmba Iruva aleamba, “Sa imike ireeminy” mmbwe yeto alemika kunu miriminy yeeru, naambo naluniinge sa ya urango lwemanya Iruva lwiilolaa Yesu Kristo.