Populære bibelvers fra Rroman 5

Del

Keitoduaa iyioo Nkai nowua nchaman nacham iyioo, amu kore apa kira loo ng'ok nenang Kristo iyioo.

Nemeitukurru iyioo ilo siligi, amu eichoo iyioo Nkai Ltau Sinyati, laa ninye otubukoka nchaman e Nkai ltauja lang.

Kore nalang inia, naa iking'ida abaki kitii nkiji ee sinaitin, amu ikiyielo nchere tinikiata sina nikiyielou aating'iria, naa kore kiata ng'iriata neidimie iyioo mataa ltung'ana lemeigusgusieki, naa kore payie kiaku ltung'ana lemeigusgusieki nikitum siligi.

Naaku kore tankaraki naitaaki iyioo loosipat to nkurukoto, ikiata sotua o Nkai teinia nataasa Laitoriani lang Yeso Kristo. Ketoboloka iyioo Yeso Kristo nkoitiei nikibakinyie to nkurukoto ana munyani nikitii taata atua, niking'idare siligi le nkitoo e Nkai likitum.

Kore apa ewuon kira ltung'ana lemeitoki eidim, kore ta ng'amata naichiaakino, nenang ꞉Kristo ltung'ana lemeyanyit Nkai.

Kore naa tankaraki naitaaki iyioo taata loosipat to lodo lenye, kebaa sa eitoki aitejeu iyioo to ngoro e Nkai?

Amu kore ana natanya apa Adam ening Nkai, neitaae pooki loo ng'ok, nejia sii eikoni keitae pooki loosipat tankaraki nataasa ltung'ani obo nayieu Nkai.

Namara inia ake, kake iking'idare oleng sotua likiata o Nkai tankaraki nayewua taata Laitoriani lang Yeso Kristo melet.