Populære bibelvers fra Rroman 12

Del

Emiduaaya mbaa e ana kop, kake enchoo eibelekeny ntae Nkai aiteng'ejuk mparrunot inchi, payie itumtum aatisipu inia nayieu Nkai nara supat, neiting'id ninye, necho.

Naaku lalachera o nkanachera, kore tankaraki lng'ur le Nkai litumo, kaitaarriyian ntae payie inchooyoyo seseni linchi metaa lasar oichu, osinya neiting'id Nkai, amu ana nkoitiei naichiaakino tinisiaayieyie Nkai.

Ning'idada taatua siligi linchi, ning'iriri taatua sina, niomonmon nkata pooki.

Emincho ntorrok emir ntae, kake entimir ntorrok too supati.

Entachamata katukul ana lalachera o nkanachera, ninchocho metaa meata lemenyok aaitodolu nkanyit alang likae.

Meata nchaman nkitaakino, embai ntorrok nimbung'bung aaitirrichaki mbaa supati.

Kore ake tanaa keidimai, entewueni te seriani o ltung'ana pooki.

Loaachami, emintalak ltung'ani teneitaas ntae ntorno, entung'ai metumo ngoro e Nkai, amu keigero ajo, <<Etejo Laitoriani, nanu oitalakicho, naa kaitalaku nanu.>>

Nimichalulu, kake entaa loaata yieuna ninyokiekie taa ltauja, nisiaisiai Laitoriani.

Amu kore to munyani e Nkai naaichooki, kaitanap pooki ng'ae otii atua ntae payie medol koon ajo kera toki aitalang nkiririkinoto enye, kake nchoo eparraa pooki ng'ae ana naichiaakino, te risioroto e nkurukoto naichoo ꞉Nkai ninye.

Emilaakinyie ltung'ani ntorno to ntorno, entonyok entaas inia nara supat tekue ltung'ana pooki.

Enchoo metaa irara loaata mparrunoto nabo, nimitumtum mparrunot niliepiepie ate aaitalang lkulie, kake entuchulare abaki ltung'ana oomena, nimidoldol ate aajo irara ng'eni.

Alang niasias inia, entaas najo Lkigerot, <<Teneata lmang'antita lino sumach, nchoo ndaa, teneata nkure, nchoo ntoki namat, amu tininko nejia, naa kenya anyit te inia naitaasa ntae.>>

nimayianyian lolo ooitam ntae sina, entamayian emidek ninche. Enting'idata o lolo oong'ida, ninchirchir o lolo ooichirita.

Entang'ar ntoki niatata o lolo sinyat lemeitoki eata, niakuku looitoomon lomon taa nkajijik inchi

Amu kore ana nikiata rubat kumo te sesen obo, nemeata rubata nemeata siaai enye, nejia siake etiu, kore iyioo kira kumo, ikira sesen obo taatua Kristo, nemeata sii tee iyioo lamara rubata e likae.